Мадригал & Бодрол

дүүгээ санахдаа

2012-02-09T13:48:00.000+08:00

Дүүтэй байна гэдэг, тэр тусмаа охин дүүтэй байна гэдэг хүнд хайрыг, хүнлэг хайрыг зааж өгдөгюм уу даа.. би нэг хөөрхөөн дүүтэй.. хэдий дүү маань 24тэй ч надад тэр л багын туулайн

бүжин шиг багын төрхөөрөө, зангаараа юм шиг л санагдана, дандаа..

Амьдралын нугачаан дахь бүхий л баяр хөөр, зовлон гунигийг хамтдаа туулсаар ирсэн дүүдээ би дэндүү их хайртай.. өөрийн гэсэн хүүхэдгүй ч, дүү минь миний хүүхэд шиг л санагдана..

Цэцэрлэгт дүүгээ хөтлөөд хамт явдаг байлаа.. орой нь дүүгээ жигтэйхэн санаж бэтгэрсэн юм уулздаг байж дээ..

Жоохон томрохоор нь хэн нь хоол хийх үү, гэр цэвэрлэх үү, аяга таваг угаах уу гээд хөзөрдөөл, шагайдаал.. 2уулхнаа ч хэзээ ч уйддаггүй байсан..

7 дугаар ангидаа анх удаа тамхи татаж үзэж байгаад, дүүдээ баригдахад: "Та ямар муухай юм хийдэг юм бэ.... би хэзээ ч тан шиг ингэж тамхи татахгүй.." гэж амьдралд бяцхан оюунаараа ам бардам андгайлж байсан байсан дүү минь одоо амьдралд ам гарч болдоггүй юм байна аа гэдгийг олон үйлдлээр туршаад, ухаараад л явж байгаа...

Өөрөөс минь дүү охидууд, дүүгээс минь өөрцгүй санагдана.. цаанаа л эгчийн хайр, халамж үзүүлмээр..

Дүү минь чи миний хамгийн сайн найз
Нуух юм надад даанч алга байдаг чамаас
Далд үзэсгэлэн, өөг маань чи л бүгдийг мэддэг
Нулимстай өдрүүдийг минь хамт аргадсан ганцхан хүн

Дүүгээ бодохоор нулимс хааяадаа зүгээр л бөмбөрнө
Энэрэлт хорвоо зөөлөн хандаг ээ, чамд минь
Бусдыг хайрлах, өрөвдөх, энэрэх зан дадлыг заасан
Эрх танхил дүү минь жаргаж яваарай

..................................Хамгаас хайртай дүү Бүжиндээ зориулав.

2012 + UB Dance school + book club + hiking club

2012-01-03T07:59:00.000+08:00

Шинэ оны эхний бичлэг... ай цаг хугацаа юутай хурдан, юутай их агуулгатай вэ, тэ..

Оныг хайртай хүмүүстэйгээ угтаад, маргааш нь Mongol Hiking Club-тайгаа Богд Ууландаа алхаж, амьд гацуур чимэглэж, тойрч дуулж бүжин үнэхээр тасархай оны эхний өдрийг өнгөрүүлсэн.

Харин өчигдөр 2012 оны ажлын анхны өдөр болж, дарга шуурхай хийгээд, бидэнд 2012 оны 3 зорилтыг танилцуулаад, төгсгөлд нь өөрийгөө хөгжүүлэх I-р улирлын төлөвлөгөө бич гээд.. Тэгээд би 4 төлөвлөгөө бичсэнээс сүүлийн хоёр нь их таалагдаж байгаа юм:

3. Дэлхийн шилдэг бүтээлүүдээс 6 ном унших

4. Бүжгийн дугуйланд явах

Номын хувьд Monbookclub-ынхантайгаа дараахь 6 номыг уншина:

"What I think about when I think about running" - Haruki Murakami
"Unbearable lightness of being" - Milan Kundera
"Гурамсан цадиг" - Г.Аюурзана
"Хар судар" - О.Памук
"Хөгшин чоно ульсан нь" - Д. Намдаг + "Great Wall of China" - F.Kafka +Х.Л.Борхесын богино өгүүллэгүүд
"Pygmy" - Chuck Palahniuk

Харин бүжгийн хувьд UB Dance school сонирхож байгаа.

Мэдээж ууландаа алхана, сагсаа тоглоно
Бүгдээрээ 2012 оноо цоглог, бүтээмжтэй, дурсамж дүүрэн сайхан өнгөрүүлцгээнэ ээ..

Hello December, bye bye November

2011-12-01T07:25:00.001+08:00

Сайн байна уу 12 сар минь? Өнөө өглөө их л эрч хүчтэй, эртээ гэгч нь сэрлээ..энэ сар минь өдөр бүр ийм сайхан эхэлж, өдөртөө ихийг бүтээж, оройдоо амгалан жаргаасай..

11 сар дэндүү хурдан дэгдээд өнгөрчихлөө.. блогтоо нэг ч бичлэг оруулах завдалгүй л дуусчлаа..УБт маань аль хэдийний шинэ жилийн уур амьсгал орсон.. энд тэндгүй сүндэрлэн гэрэлтэх сүлд модууд, уур савсуулж, хальтирч унах гээд ч байгаа юм шиг дэгэнцэн догонцон алхах хөгжилтэй хүүхэд, залуус, хөгшчүүл.. ай өвөл цаг минь хүйтэн ч цаанаа л нэг сэтгэлд дулаахан, оргилуун улирал шиг санагддаг.

Өнгөрсөн 11 сарын хамгийн том тэмдэглэлт үйл явдал бол аав ээж 2тоо цэвэр агаар бэлэглэсэн буюу Богд ууландаа аав ээж 2тойгоо нэвсийсэн цаснаар 3уулхнаа алхсан явдал байлаа.. Тэр хоёр маань надаас мундаг эрч хүчтэй, цоглог, тэсвэр хатуужилтай... бүүр миний бодсоноос илүүгээр хол замыг туулж, ердийн алхалтын урт маршрутаар өгсөж, уруудаж буусан... энэ ертөнц дээр 3уулхнаа юм шиг л явсан даа кк... эргэн тойрон цагаан мөнгөн цасанд хучигдсан өндөр модууд, цан хүүрэг.. хайртай 2 минь миний хажууд даруухнаар хөгжилтэй алхана..яг л үлгэрийн орноор алхаж байгаам шиг.. аав ээж 2 минь уулын оргил дээрээс УБтаа хар бор утаан дунд бөглөрснийг хараад үнэхээр хэцүү санагдсан байх.. тэгээд сардаа нэг ингэж ууландаа явж уушгиа цэвэрлэнээ гэж шийдсэн... та 2 минь урт удаан насалж, хамт байгаасай...
За ингээд айлчлан ирсэн энэ 12 сартаа ихийг хийж бүтээж, олон сайхан хүмүүстэй уулзаж учирч, өдөр бүрийг аз жаргалаар дүүрэн өнгөрөөж, бусдад бас аз жаргал өгнө өөөө..

2011-10-26T21:48:00.000+08:00

би бигээрээ л
хүн чанартайгаа
үнэн сэтгэлээсээ
амьдраад л явна

эргэлдэн хөврөх хорвоод
эгэл тансаг бигээрээ л
гэхдээ
хүрээлэх хүмүүс та наргүй бол
хичнээн ч амьдраад яах вэ
утгагүй

2011-09-28T02:34:00.000+08:00

Масс, Брикс, Метро гээд бидний үеийнхэн ордог газар өдийг хүртэл орж үзээгүй явсаар өнөөдөр Брикс орлоо. Түр цэвэр агаар амьсгалахаар гарахад гадаа нь нас чацуу шахам 10аад таксины жолооч нар зогсч байх юм. Дөнгөж тэр Брикс гэх ертөнцөөс гарсан надад хэсэгхэн зуур гадаа зогсоход тэдний яриа сонсогдлоо.. дотор нь мөнгөө үрж яах гээд байагаа нь мэдэгдэхгүй хэдэн гарууд, гадаа нь амьдралын төлөө хүйтэнд зогсоод хуушуур энээ тэр ярьсан хэдэн залуус... амьдрал аа гэж..миний эрээвэр хураавар бодролуууд гэж Б. Лхагвасүрэн гуайн шүлэглэсэн шиг...

2011-09-14T12:19:00.002+08:00

Гоё дуу

Анх хараад л таалагдсан

2011-09-10T08:20:00.000+08:00

Анх хараад л таалагдсан
Ахиад хэд уулзсан
Хүнийх гэдгийг нь мэдээд
Хүрэн зүрхээ чандалсан

Нулимс хэдэнтээ дусалсан
Нууж өөрийгөө зөндөө явсан
Чамд би дургүй гэж ойлгоод
Чимээгүйхэн чи минь холдсон

Өвдөж байна сэтгэл минь
Үгүйлж байна дурсамжуудаа
Сайхан дүр чинь үүрд надад
Санаа бодолд минь нандинаараа үлдэг.

Чамайг санахдаа би залгасан

2011-09-09T17:36:00.002+08:00

Чамайг санахдаа би залгасан
Цаашаа гэсэн шиг чи минь авсангүй
Хааяа алдрах сэтгэлдээ дийлдээд
Хамаагүй үйлдэл хийчих юм даа

Одгүй шөнө

2011-08-26T21:52:00.002+08:00

Тэнгэрт нэг ч одгүй уйтай шөнө байна
Тээр алсад гэхдээ чи байж л байгаа
Зөрнө гэхэд арай дэндүү зөрөөд байна
Зүүдэнд биш амьдралд буугаач

Болилоо

2011-08-26T13:33:00.003+08:00

Би хайрыгаа хүлээнэ гэж бодоод, зөндөө хүлээлээ
Хайр гэж байдаг юм болов уу гэж эргэлзэтлээ хүлээлээ
Сүүлдээ би цөхөрч байна
Хайр байдагт итгэхээ байлаа

Bye Bye

2011-08-22T16:32:00.003+08:00

Мартья даа чамайгаа
Гэхдээ дурсамжууд маань дэндүү сайхан
Магад дахиад гоё учралууд
Гарч ирээд дахиад уяраах л байх

Bye Bye

Mongolian Naadam, 2011

2011-07-13T17:53:00.001+08:00

2011-07-11T21:54:00.001+08:00

Аялгуу дуу намайг хөтлөөд
Алсын алсад одчих юм
Ар араасаа хөвөрсөн бодолдоо умбаад
Ажил төрлөө ч мартчих юм

Every Day I Love You

2011-07-11T07:34:00.001+08:00

Хамгийн дуртай дуугаа тавьчихлаа...хэд дахин нэг дор сонсоод ч, өдөржин, саржин сонслоо ч уйддаггүй, гэгээлэг гоё дуу... Өдөр бүхэн чамдаа би хайртай - ийм л байгаасай

газарт шингэсэн дусал болжээ, чи минь..

2011-07-09T21:43:00.003+08:00

Дөлгөөхөн зан шигээ даруухнаар надтай учирсан
Дурлуулж биш дасгаж намайг өөртөө татсан
Асгаран орж буй энэ бороо шиг өрнөл үеийг бэлэглэсэн ч
Аажуухан надаас холдоод газарт шингэсэн дусал болжээ, чи минь..

утга байна уу

2011-07-06T01:37:00.002+08:00

хором мөчүүд өнгөрөөд л
хоног өдрүүд урсаад л
чамайг би хүлээсээр л
чандалж өөрийгөө хадгалсаар л

гэтэл энэ бүхэнд утга байна уу?

Өглөө сайхаан

2011-06-30T07:27:00.005+08:00

Өглөө болж үүр цайхад
Өөрийн эрхгүй сэтгэл гийдэг
Өчигдрийн болоод өнгөрсөн бүхэн ард
Үйлс бүтээл дүүрэн шинэ өдөр урд

Дургүй

2011-06-29T22:05:00.002+08:00

Хэрэгт дурлаж олон юм асуухад дургүй
Хэнд ч хэрэггүй яриа өрнөхөд дургүй
Хөнгөхөн дүгнэлт өнгөцхөн хийхэд дургүй
Дургүй ээ дургүй дургүй..

Гарыг минь зөөлөн атгалаа

2011-06-29T21:39:00.001+08:00

Гарыг минь зөөлөн атгалаа
Галт ус дотрыг минь халаах шиг боллоо
Жоохон охин шиг тэвдэн сандарлаа
Жолоо алдан дурлачихвал яана аа??

Эргээд ирсээн..

2011-06-26T22:41:00.002+08:00

Эх орондоо ирээд даруй сар хагас болжээ. хайртай бүхнийхээ дунд байна гэдэг дэндүү сайхан байдаг болохоор цаг хугацаа ч чамлагдахаар бага бөгөөд хурдан өнгөрөөд байх юм.

Улаанбаатар минь нүүх гэж буй айл шиг ундуй сундуй, энд тэнд засварын болоод шинэ барилгын ажлууд... Бороо харин их орж байгаа нь цаанаа л гоё...

Ажил их байгаа ч бие сэтгэлээ баясгах нэг гоё үйл ажиллагаанд нээрээ оролцох болсон. Mongol Hiking Club-тай хамт долоо хоног бүр Богд Ууландаа гарч байгаа.. бүтэн сайны 12-17 цагт алхаад бууж ирдэг.. олон шинэ найзуудтай болж, бас Монголынхоо үзэсгэлэнт байгаль, баялаг ургамал цэцгийг нүд баясган харж, цэнгэг агаарыг нь цээж дүүрэн амьсгалж, уулын тунгалаг усаар нь умдаалахдаа Монгол хүн болон төрснөөрөө улам их бэлэгшээн бахархах шиг...

My sister's song and clip from 5 years ago

2011-05-11T11:24:00.001+08:00

Publish Post

owfullscreen="true" allowscriptaccess="always">

Mongolian infants are trying to survive

2011-05-07T09:53:00.000+08:00

Thanks to So for the pix, video and the post!
So'z Photostream: One day at Maternal and Child Health Research Center

Хүлээсэн мөч ойртож байна даа

2011-05-06T00:39:00.003+08:00

Долоон бурхан одыг сая харлаа.. Тайландад ирснээс хойш анх удаа л од харж байна.. харах харахдаа 7 бурхан одоо харлаа.. Монголынхоо одод анивчсан цэлийсэн уудам тэнгэрийг харахад нээх сайхан байдаг сан.. ялангуяа, лагерь дээр :)) Монголдоо буцахад 7хон өдөр үлдсэнийг бэлэгшээн оддыг минь харуулаад ч байгаамуу?...

Сэтгэл минь тан руу үргэлж татагдана
Соронз юмуу гэлтэй, миний эх орон
Хайрласан, хүлээсэн хүмүүсээр дүүрэн
Хүндийн төв болохоор тэр юм болов уу..

Төрсөн өдөр, зочид, усны баяр

2011-04-25T22:45:00.008+08:00

Сүүлийн хоёр долоо хоног үнэхээр сайхан өнгөрлөө. Блог ертөнцөөр дамжуулан анх танилцаж байсан Номио найз маань Монголоос ирж хамтдаа хэдэн өдөр ханьтай, хөгжилтэй гоё байлаа. Мөн эндэхийн Цагаан Сар бую Усны Баяр Сонгкран 4 сарын 13-15нд болж, жинхэнэ мартахааргүй өвөрмөц юм үзсэн дээ. Зүгээр л энд тэндээс ус цацаастай, усан буу онилоостой, шавар нүүр нүдгүй түрхээстэй... уурлаж болохгүй, уурлах гээд үг хэлэх гэвэл ам руу чинь шавар орно гэх мэтчилэн.. Бангкокын төв гудамж болон жуулчдын гудамжууд пиг хүн.. хоорондоо ус, шавраар байлдаад.. яг л хүүхэд насандаа очсон мэт.. Тайланд хүмүүс үүнийгээ бүх гэм муу муухайгаа арилгаж байгаа гэж үздэг юм билээ.

Залгуулаад 26 насны төрсөн өдөр 4 сарын 16нд боллоо. Тайландад ирээд танилцсан Монгол найзуудтайгаа мартахааргүй, маш сайхан тэмдэглэсэн. "Чимгээгийн төрсөн өдөр" гээд социализмын үеийн нэг кино байдаг даа.. тэрний II ангийг хийсэн, гээлүү, кк.. Найзуудын маань дийлэнхи нь эмч; Бангкокт Монголынхоо нэрийг гарган нэр төртэйгээр сурч, ажиллаж яваа залуу сайхан сэхээтнүүд байгаан.. Энэ хэдээрээ дамжуулан эмч хүний зовлон жаргалыг зөндөө их сурч авч байна дөө..

Нөгөөдөр Бангкокт болох НҮБ-ын Хүн Амын Сангийн симпозиумд Монголынхоо төлөөлөгчидтэй хамт 2 өдөр оролцоно. Тэндээс сурсан зүйлээсээ дараагийн бичлэгээр хуваалцана аа.

Дипломын урьдчилсан хамгаалалт 5 сарын 10нд болсон. Хичээл 13нд дуусна; тэгээд л эх орон тандаа харина даа. 2хон долоо хоног үлджээ :D

3 мангар

2011-04-10T19:36:00.005+08:00

Сингапурт ирсэн 2 дахь өдөр өнгөрч байна. Сонирхолтой, соёлтой хот улс юм аа. Хөгжил гэж ярихын аргагүй мундаг. Ирээд хуучны нэг андтайгаа уулзахад: "Эндэхийн хүмүүсийн хийдэг 3 л зүйл байдаг: гадуур хооллох, кино үзэх, шоппиндох; зүгээр л аймаар баян" гэж хэлсэн нь нүдэн дээр үнэхээр ил. Нэг сонирхолтой гоё санагдсан зүйл гэвэл үйлчилгээний салбарт /таксины жолооч, аяга таваг хураагч г.м/ өвөө эмээ нарыг ажиллуулж, төр засгаасаа бодлогоороо тэднийг дэмжин ажилтай байлгадаг юм байна.

Бичье гэсэн гол зүйлдээ орьё.. Өнөөдөр нэг кино үзлээ. '3 мангар' (3 idiots) гэдэг Энэтхэг кино; 2009 онд хийгдсэн. Үйл явдал Энэтхэгийн инженерийн топ их сургуульд өрнөнө. Өчнөөн олон жилийн турш тэнд сурсан оюутнууд мэдлэгийг автоматаар цээжилж машин шиг л байсан уламжлалыг нэгэн өдөр эгэл хэрнээ суут оюутан ирснээр цохилт өгдөг. Гол мэссэжүүд нь: оюутнуудад, 'дуртай зүйлээ мэргэжлээ болго'- 'make your passion profession;' багш нарт, 'загас өгөх биш загас барихыг заа'-'don't give fish, but teach how to fish;' бүгдэд: эзэн хичээвэл заяа хичээнэ'- pursue excellence, then success follows.'

Механикийн инженерээр сурч буй тэдний ихэнхи нь бөөн айдастай, аав ээж нь сур л гэсэн учраас сурдаг - нэг үгээр дургүй юмаа сураад байдаг. Бүүр амиа хорлосон тохиолдлууд ч гарч байна лээ..
Өө тэгээл манай 3 мангар найз нөхөрлөл гэдгийн утга учир, хайр золиосыг сэтгэл хөдлөм үйл явдлуудаар харуулна даа. Кино үзээд амьдралдаа хоёр л удаа уйлж байсан надад энэ киног үзэж байхад бараг 6 удаа уйлах шахсан, бас зөндөө юм ухааруулсан нтр заавал үзээрэй 'two thumbs up and highly recommended' л гэмээр байна даа.

52 хоног үлдлээ

2011-03-21T17:46:00.004+08:00

Сүүлчийн семестр эхэлсээн.. Монголдоо буцахад яг 52 өдөр үлджээ.. ирсэн өдрөөсөө эхлээд л буцах өдрөө хүлээсэнсэн, хэхэ. Хүн ам зүйч-судлаач гэсэн мэргэжлээр Махидол гэдэг энэ их сургуульд магистрын зэрэг горилон сурч байгаа билээ. Хэдийгээр 5 сард хичээл дуусах ч, энд үлдэж дипломоо бичээд 8 сард хамгаалах ёстой, дүрэм ёсоор... харин би 5 сард Монголдоо буцан, тэндээ дипломоо бичих зөвшөөрөл авахын тулд комисст 5 сараас өмнө дипломынхоо60%-ийг нь дуусгана гэж ам гарч байж зөвшөөрүүллээ. Үүнийхээ шанг хүртэж, хичээлийнхээ хажуугаар дипломоо бичиж байгаа- олон зүйлийг хамт хийх нь эрүүл мэндийн хувьд тиймэрхүү нөлөөтэй байгаа ч, хэхэ, нутагтаа хурдан очно доо гэсэн сэтгэл намайг урагшлуулж, хүч өгч байна. Зунжингаа сайхан Монголдоо :) тэгээд 8 сард буцаж Тайланд ирж дипломоо хамгаална даа.. Дипломын сэдэв: "Монгол улс дахь нялхасын эндэгдэлд нөлөөлж буй хүчин зүйлс"-эд дата анализ хийх. Энэ талаар ажилладаг, судалгаа хийдэг таньдаг, мэддэг хүн байвал, хэлээрэй. Монголд очоод уулзмаар байна.
Aristotle: "The roots of education are bitter, but the fruits are sweet."

хамтдаа шүү, Япон минь!

2011-03-12T18:54:00.003+08:00

Тайландын урд зүгээр аялж буй 6 дахь өдөр. Уул нь дахиад нэг далайн эргийн муж руу явах ёстой байсан ч Японд болсон газар хөдлөлт, цунамигаас үүдэлтэй болзошгүй аюулаас шалтгаалаад цуцлагдлаа. Телевизийн мэдээгээр дүүрэн энэ аймшигт байгалийн гамшгийн тухай гарч байна. 8.9 баллын энэ газар хөдлөлт, 10 м өндөртэй цунамиг дагуулж, Японы түүхэнд болсон хамгийн том газар хөдлөлт боллоо гэж байна. Одоогоор 1300аад цогцос олдоод байгаа гэсэн мэдээ байгаа ч, амьд үрэгсдийн тоо нэмэгдэх хандлагатай л байна. Дэлхий даяараа Япон руу тусламжийн гараа сунгаж байна. Зовлон биднийг нэг дэлхий дээрх нэг гэр бүл гэдгиййг ойлгуулах юм даа.

Японд байгаа хамаатан, найз нөхөд өртөөгүй, гайгүй байна гэнээ. Хөөрхий хэдэн мянгаараа хайртай хүмүүсээ алдаж, гэр оронгүй боллоо.

Цунами цаашлаад Хавай, Шинэ Зеланд, Австрали, АНУ-ын баруун эрэг рүү ирэх магадлалтай л гэдгийг сонсоод санаа зовж байна. Ялангуяа ойрын хамаатан ах, дүү 2 маань Шинэ Зеландад байгаа..

Япон улсын дэлхийн зах зээл дэх нөлөө, өгөөмөр тусламж нь хорвоогийн хаана ч очсон тодорхой байдаг. Эдийн засаг, техник технологийн хөгжилд хувь нэмэр оруулсныг энд дурдах илүүц.. угаасаа тасархай, гайхалтай. Монголын маань алслагдсан баг, сумын хаана ч очсон тэнд байгаа ганц компьютер нь, сургууль нь, цэцэрлэг нь ‘Япон улсын ард түмнээс хандивлав,’ ‘Donated by the People of Japan’ гэсэн марктай байх жишээний. Африк, Азийн өөр бусад хөгжиж буй орнуудад ч адилхан байдаг биз ээ.. Энэ Тайландад ч бас.. Оюуны хөрөнгө оруулалт их хийдэг улс даа. Үргэлж талархаж явмаар..

Мэдээж Дэлхийн II дайны үед тэдний үлдээсэн хар ул мөр бий ч, тэдний дэлхийн хөгжилд оруулсан хувь нэмэр нь нь агуу.. Одоо бид дэлхий нийтээрээ хариу барих цаг, тусламжийн гар, сэтгэлийн дэмээрээ хамтрах үе..

Газар унасан байлаа ч..

2011-03-02T19:00:00.006+08:00

Сургуулий н хотхон маань тэр чигээрээ ногоон хүлэмж мэт янз бүр ийн мод, цэцгээр дүүрэн өнгө өнгийн цэцгээр хучигдчихсан, нээхх тийм уянгалаг ч гэмээр юмуу, байдийн.. Энд моднууд нь яг л аварга том баглаат цэцгүүд шиг харагдана. Нэг иймэрхүү бодлууд тэгээд урсдаг юм..

...Газар унасан байлаа ч, гишгэж зүрхлэхгүй ээ би цэцгийг,

Гоо үзэсгэлэн нь хэвээрээ байна.

Гуниг бүрхсэн байлаа ч, аргадаж тайтгаруулахгүй ээ би сэтгэлээ

Гэнэн учралууд минь дурсамжтай байна.

хуудас, хуудсаар

2011-03-01T02:50:00.003+08:00

Нэг өгүүллэг уншаад их таалагдлаа. Хүмүүс амьдралд тохиолдож байгаа үйл явдлуудаас дүгнэлт хийхийг урьтал болгох хандлагатай байдаг гэнэ ээ. Гэтэл тэр тохиолдож буй үйл явдлууд сайн үр дагавартай юм уу, муу үр дагавартай юмуу гэдгийг яг тухайн үед хэлэх боломжгүй. Учир нь энэ бол 'амьдрал' хэмээх агуу том ботийн зөвхөн нэг л хуудас нь. Нэгхэн хуудас уншаад тухайн ном цаашид хэрхэн өрнөхийг, төгсөхийг дүгнэж болдоггүй шиг л..

Семестер дуусах гээд ойрд хичээл ихтэй байгаа ч, энэ үеийн хуудсууд маань ирээдүйн бүлгүүдэд нилээн ач холбогдол авч ирэх байх хэмээн найдан, шамдан сурсаар л байна. МУИС-т оюутан байсан үе минь санагдаж байна.. хичээлийнхээ хажуугаар карманы хэдэн мөнгө олох гэж сонинд зар өгөн бичгийн орчуулга хийн шөнөжин суудаг байж билээ. Намуухан аяз, өтгөн байхууг ханиа болгочоод л - ядарна гэдгийг ч тоож, мэдрэхгүй - гоё үе шүү.

Бүүр урд үеийн түүхийг сөхвөл, 10 жилд байхад хичээл тараад шууд харина гэж байдаггүй байж билээ. Өглөө 8аас ороод 12:25д тардаг байлуу.. Тарангуут багш компьютерийнхээ лаборатори луу бүгдийг нь оруулаад баахан бодлого өгөөд 6 хүртэл суулгачихдаг байлаа. Тооны гүнзгий анги байсан болохоор, өдөржин шөнөжин тоо бодоод л, тоогоор амьсгалсан он жилүүд байлаа. Гэрийн даалгавар гээд л бараг өдөр бүр 100 бодлого өгдөг байсан шиг санагдана. Заримдаа жоохон хүүхдүүдэд ахадсан мэт ачаалалтай байсан ч, бидэнд маш их тэсвэр хатуужил олгосон юм даа, багш минь, цаагуураа.

Багадаа олсон тэр чанар, оюутан байхад ашиг тусаа их өгсөн.. Хэдий яг тухайн үеүдийн хуудсууд ядралт, нойр хүрэлт, сульдалт, уйтгартай ч юм шиг түүх зөндөөтэй байсан ч, хойших бүлгүүддээ улам л баян өрнөлүүдийг өгч байсан юм байна аа.

Яг одоо унтах ч эрхгүй суугаа би өөрийгөө энэ бүх түүхээр зоригжуулан сууна. Улам л сайхан ирээдүй урд минь байна. Хэдхэн өдрийн нойр юу байх вэ, тэ.. тэглээ ч энэ долоо хоног дуусаад ангиараа долоо хоног field trip хийж, сайхан амрах болохоор..

шинэ уриа: хуудас, хуудсаар..

Эгэл

2011-02-19T13:27:00.001+08:00

Орой бүр би жимс авахаар сургуулийнхаа урд талын зам руу гарна. Нээх гоё, сэтгэлээсээ инээмсэглэсэн настай эх, охин хоёр угтана. Хуруугаараа дуртай жимс рүүгээ заахад, тэд толгой дохин, жимсүүдийг нямбай гэгч нь зүсээд, уутанд хийж өгнө. Бид хоорондоо үг хэлээр ярьдаггүй ч, нүдээрээ, сэтгэлээрээ нэг л тийм тааламжтай мэдрэмжтэй ойлголцож харилцана. Заримдаа жимс идмээргүй байсан ч гарч тэр дулаахан харц, инээмсэглэлүүдийг харахаар зорьж очно.

Эгэл бүхэнд би татагдана
Эрээн чаминд сэтгэл түүртэнэ

хүнийх

2011-02-05T23:05:00.004+08:00

Хацрыг минь зөөлөн илэхэд гуниг төрдөг
Халуун хоёр сэтгэл минь амьдрал болохгүй болохоор
Нүдийг минь зөөлөн үнсэхэд нулимс цийлэгнэдэг
Нөмөр дулаан чинь хүнийх болохоор

шаналал

2011-01-27T19:43:00.003+08:00

Зүрх минь ойрдоо их гунигтай байна.. гунигтай болохоор гараас ч бас юм гарахгүй.. асгартлаа уйлмаар, аймар чанга хашгирмаар.. эх орноо санаад байна аа.. тэнд байгаа хайртай хүмүүсээ санаж байна.. зүрх бэтгэрнэ гэдэг маш хүчтэй зовиур, хамаг хүчийг сорогч.. хурдан энэ бүхнийг дуусгаад харьмаар байна.. харих өдрөө хуруу даран, хоног тоолон хүлээж байна..

2011-01-20T21:45:00.002+08:00

Бие чинь ган төмөр мэт чанга, тэврүүлээд л баймаар
Нүд чинь гүн тэнгэр мэт тунгалаг, ширтээд л баймаар
Сэтгэл чинь шинэ өглөө мэт гэгээхэн, бишрээд л баймаар
Энэ бүхэн бид хоёрын хязгаар байг..

Your arms are steel like iron - I want to be hugged
Your eyes are deep like sky - I gaze into
Your soul is pure like morning - I adore you
Boundaries are these we remain in..

Камбужид аялсан тэмдэглэлээс

2011-01-20T21:33:00.001+08:00

Бага байхдаа "Камбуж ардын үлгэрүүд" гээд нилээд зузаан үлгэрийн номыг дахин дахин унших дуртай байж билээ. Гэхдээ тухайн үед Камбужыг бодит улс гэж бодоогүй, үлгэрийн нэг орон л юмуу даа гэж боддог байлаа. Гэтэл яасан бэ гэвэл.. хэхэ тэр үлгэр домгийн гэмээр улсдаа очих хувь заяа тохиодийм байна..

Камбуж 14,8 сая хүн амтай, үндсэн хуульт хаан засаглалт, зүүн өмнөд Азид оршдог.

Нэг зөрчилтэй сонирхолтой ч гэмээр зүйл бол үлгэрт их л сайхан орон шиг санагдаж байсан улсынхаа тухай том болоод энээ тэрээ юм уншаад ирсэн чинь түүхийн аймар хар хуудастай орон байсныг олж мэдсэн. Пол Пот гэгч улсын захирагч нь 1975-1979 онд улсынхаа тархи ухаан нь болсон 7 сая гаруй сэхээтнүүдээ хомроголон устгасан.. evil crazy...

Байгалаа эгчтэйгээ хамт нэгэн турист компаниар зуучлуулан автобус дүүрэн жуулчидтай Khao San Road-ээс өглөө 8 цагт хөдлөөд, Камбужид орой 9 цагийн үед очоод, замдаа ядарсныг хэлэх үү үхсэн юм шиг унтлаа.

Тэр цагаан хаалганы цаана Камбуж

Маргааш нь тэр гайхамшигт Angkor Wat буюу эртний нийслэлийг нь өдөржин явж үзлээ. 12-р зуунд баригдсан энэ том сүм хийдийн байгууламж үнэхээр сүрлэг, аргагүй л сая сая жуулчдыг татсан газар байна лээ. Бид 2 нэг өдрийн билетийг нь л авлаа. Тэр нь ч үнэхээр хангалттай байсан.. яахав хосоороо, гэр бүлээрээ ирж байгаа хүмүүс тэр 3 өдрийн, 7 өдрийн билетүүдийг нь аваад дугуй унаад, сүм хийдүүдээр нь тойрон аялал хийж, зураг хөрөг аваад явж байгаа харагдана.

инээмсэглээд л..

Туурь ба хоёр бүсгүй

Энэ мод, байгууламж 2 нээх романтик аа

Орой нь гарч хооллочихоод, сайхан бүжиглэлээ.. Ерөөсөө тэр хавь бол ресторан, клаб, худалдааны гудамжаар дүүрэн - дэндүү commercial болсон газар байна лээ. Маргааш өглөө нь sweet second home Thailand гээд буцсан даа.

Mongolian Best Dance Crew

2011-01-06T11:22:00.005+08:00

Амралтын 2 долоо хоног минь үүгээр дуусч, нөгөөдөр өглөө Тайланд руу нисэх нь дээ. Нүд ирмэх зуур л өнгөрчихлөө.. Шинэ жил гэдэг оргилуун сайхан баярыг нижигнэтэл тэмдэглэдэгээр Монгол маань алдартай шүү дээ. Энэ л үеэр ирсэн болохоор анд нөхөдтэйгээ бөөн бөөнөөр нь уулзаад л сайхан байлаа. Санта Клаус 31-ны орой орж ирсэн нь том сюрприз байсан. Баярлалаа гоё номнууд бэлэглэсэнд..

За одоо яг бичье гэсэн юмаа бичье. Өчигдөр 6 дахь 7 хоног дээрээ явж байгаа 'Mongolian Best Dance Crew' циркт үзлээ. 7 хамтлаг шувтарч үлдсэний нэг нь 'Beatn1g Family' ба хамтлагийн гишүүн Тулга дүүгээ дэмжихээр очлоо. Долоо хоног бүр бүжгийн сэдэв өгдөг ба энэ 7 хоногийнх нь сэдэв нь 'Монгол.' Манай залуу үеийнхэн үнэн тасарчихаж дээ.. ямар ч мундаг бүжиглэдэг юм, хөөрхөн ч сэтгэмж гаргах юм..

Нэг л юм харин сэтгэл өвтгөлөө.. Орон даяар, тэр байтугай дэлхий даяар, youtube-ээр энэ тэмцээн цацагдаж байгаа. Шүүгчдийн нэг МУСТА Төмөрчөдөрийн Төгсөө Монгол улсын аюулгүй байдал, гадаад харилцаанд хохирол учруулахуйц өгүүлбэр хэллээ. 'Бөртэ Чонын Үрс' хамтлагийн нэг гишүүн бүжгийнхээ төгсгөлд боксын бээлий өмсөн бусад гишүүдээ нам цохиж олимпын медаль хүртэж буй агуулгыг дүрслэн харуулсныг шүүгч Төгсөө 'Нэг Монгол нь бээлий өмсөөд 5 хятадыг нам цохиж байхаар, бүгд бээлий өмсөөд 1 хятадыг нам цохьсон бол дээр байсан юм.' гэдэг байна. Өө кашмаааар гэж... Тэр хүн нэг газар найзтайгаа Хятадыг муулаад ярьж болно л доо, гэхдээ улс, дэлхий даяар өөрийнх нь үг бүр гарч байгааг ер нь ухамсарладаг юм болов уу...??

Зиа зиа, ямар ч байсан бухимдлаа сайхан гаргачихлаа. Тулга дүүдээ болон 'Beatn1g Family' хамтлагийнх нь бүх гишүүнд амжилт хүсье!

Goodbye 2010, Welcome 2011

2010-12-31T22:36:00.005+08:00

Он солигдох энэ мөчид хэдхэн хормыг гарган 2010 оноо дүгнэн сууна.

Улиран буй 2010 он тандаа БАЯРЛАЛАА гэж хэлмээр байна. Та намайг:
- Олон сайхан хүмүүстэй уулзаж, учруулжээ.
- Эх орны минь үзэсгэлэнт аймгуудаар явуулжээ /Увс, Хөвсгөл, Дорнод, Сүхбаатар, Хэнтий, Архангай, Өвөрхангай, Баянхонгор, Өмнөговь, Баян-Өлгий/
- Дахин толгойгоо цэнэглэх боломж олгожээ /Тайланд/
- Эрүүл энх, элэг бүтэн байлгажээ.

Эргээд харахад 2010 ондоо харамсах зүйл байхгүй шиг санагдана. 2011 он танд олон олон адал явдал, амжилт бүтээл дүүрэн байх болно оо гэж найдаж байна.

Цагаан цаас шиг шинэ жил нь чи гэвэл
Бэхэнд дүрэгдсэн бийр нь би юм
Гэгээлэг өнгөтэй зургуудыг хамт зурья

Welcome 2011!

Гэртээ ирлээ

2010-12-25T23:09:00.003+08:00

Гэртээ ирээд сайхан өдрүүдийг өнгөрөөж байна аа. Аавын нөмөр, ээжийн хайр, дүүгийн минь хөгжилтэй төрх Юм бүхэн л танил, дотны.. номнууд, тэмдэглэлийн дэвтрүүд.. сөхөөд харахад бөөн дурсамж, түүх.. Нээрээ нэг хөөрхөн 4 мөрт олсон юм байна:

Сэтгэлдээ гал бутартал хайрлахсан
Сэм сэмхэн гуньж хайрлахсан
Сэрүүн салхинд жиндэж хайрлахсан
Сэвэлзэх зүүдээ үргэлж хайрлахсан
Үл мэдэгдэх хөвгүүн чамайг..
................................................................

Хааяа нэг учрах үеэ жаргалтайд тооцож
Харц тулгарсан тэр мөчөө азтайд үзсэн
Зүүд эзэгнэнхэн нойргүй хонуулсан
Миний анхны хайр..

Тайланд таалагдаж байна

2010-12-18T07:16:00.007+08:00

Хүний газар эрдмийг сурахаар ирээд 3 сар хагас болжээ. Өвлийн амралт эхэлж, 2 хоноод эх орондоо очно. Аавдаа үнсүүлж, ижийдээ тэврүүлж, дүүгээ харна гэхээс, анд найзуудтайгаа хөгжилдөнө, амин ярианууд өрнүүлнэ гэхээс л байж ядна, сэтгэл минь аль хэдийн нисээд хүрчихжээ, тэнд.

Энэ олон жил энэ тэрүүгээр сурч, аялж явахад эх орон минь элэгнээс уяа нь алдуурсан мөч байсангүй ээ. Үргэлж бодолд байгаастай, санаастай, гансраастай.. Гэхдээ л би явчихаад байдаг.. 'homesick' байна аа гэж гоншигонох эрхгүй болтлоо л 'санаад байна.. санаад байна.. буцмаар байна' гэдэг үгсийг хэлж дээ.. Гэхдээ л би явчихаад байдаг..

Анх удаа би гадаад оронд сурч байхдаа enjoy болж байгаа түүх болж байх шиг байна.. Мэдээж академик чанарын хувьд ярих юмгүй маш сайн. Үүнээс гаднах хэд хэдэн фактор байх шиг байна аа нөлөөлж буй..

Урин дулаан уур амьсгал:
За би бээр болбоос, наранд их дуртай.. энд хамаг хүн амьтан нарнаас бултаж, зонтокдож, аймар халуун байхад л ханцуйтай юм өмсч, халхалж болох юм бүхнээр арьсаа борлохоос хамгаалж байхад, би нарны өөдөөс инээмсэглэн, дулаан илчийг нь шингээн алхах дуртай. Орой үдэш ч дулаахан хэвээр, аадар борооны дараа ч дулаахан хэвээр.. За тэгээл, далайд сэлж, эрэг дээр нь хэвтэх үнэхээр гайхалтай шүү дээ..

Хоол унд:
Тропикал бүс болохоор энд өмнө хэзээ ч харж, сонсож байгаагүй жимс, ногоо элбэг : шив шинэ, амттай, айөмөр хямд.. Монголдоо бол би мах идэх дуртай; харин энд ирээд тэр дуршил бүр алга болчихсон. Угаасаа ногоонуудаа янзын хуурна... Загасаа гоё болгоно. Нэг үгээр бол Тайланд улс хоол ундны тал дээр үнэхээр зохиж байна аа. Хоолыг тайланд хэлээр ААНХААН гэдэг, хөөрхөн байгааз. Аанхаан арой - амттай хоол гэсэн үг болно.

Монголчууд маань их ирэх юмаа
Тайланд ямар ч байсан US-г бодвол ойрхон, тал өдөр нисээд хүрээд ирдэг учраас энд ирж амрах, эмчлүүлэх (Бумрунград эмнэлэг) хүмүүс тасардаггүй юм байна. Үүний ачаар нилээдгүй хүмүүстэй танилцаж, найз нөхөд болж байна. Энэ бол маш чухал үзүүлэлт! Монголчуудтайгаа ойр байна, харилцаатай байна гэдэг бол, цэцгээр ярьвал би усалгаатай буюу хатаад гандчихаагүй байна гэсэн үг.

Тайландчуудын амьдралын хэв маяг
Тайландчууд их хөдөлмөрч юм уу даа. Зүгээр сууж байгаа хүн бараг харагдахгүй.. Бүгд л хөдөлж байдаг, бүтээж байдаг юм шиг.. Орой нарны илч буурах үеэр оюутнууд бүгд л гадаанаа гарна шүү дээ.. дугуйгаа унаад л, гүйгээд л, хөл бөмбөг, сагсаа тоглоод л - бүгд ХӨДӨЛГӨӨН - ЭРҮҮЛ МЭНД гэсэн лоозонтой юм шиг амьдарна. Би ч алтны дэргэд гууль шарлана гэгчээр жим-д явж, усанд сэлээд л.. Өө тэгээд, уухгүй юм, татахгүй юм.. Их л зөв хүмүүжилтэй, гүүди гүүди хүмүүс байх юм аа. Ганц дарс уух тайланд олох хэцүү шүү..

Өө тэгээд, Тайландчуудаас сурах юм зөндөө л байна дөө.. нэхх тайван, дөлгөөхөн, гоё инээмсэглэдэг, бие биенээ хүндэлдэг, тусархуу хүмүүс шүү.

Дээрхи хүчин зүйлсүүдийн улмаас амарчихаад буцаж ирж үргэлжлүүлэн сурахдаа би сэтгэл хангалуун байх болноо. Гайхамшигтай юм, анх удаа л ингэж бодож байна!

Хааяа ингэхэд яахав дээ.. P.S. I love you + хордсон нь

2010-12-11T09:22:00.003+08:00

Нилээд мансуурчжээ – 2 гласс тайланд виски, 3 тамхи татцан чинь... PS. I love you гээд нэг хөөрхөөн кино үзэж байна. Уул нь тамхинд дургүй, вискид ч таатай биш би ийм нөхцөл байдалд орцон байгаадаа өөрийгөө буруутгахгүй л байна. Ганц бие, хүүхэдгүй байгаа дээрээ зүгээр ээ л гэж бодож байнашд. Хоолой минь айхтар хорсч байна.

Энэ кино Нью Йорк-д өрнөж буй залуусын амьдрал, хайр сэтгэлийн тухай. 2005 онд анх New York-д анх очиж байснаа санаж байна. .. Нью Йоркт өвөл болж байна энэ кинон дээр.. эх оронд минь ч өвөл болоод, бөөн шинэ жилийн уур амьсгал болж байгаа биз.. Пальто, boots өмсөхсөн..

4 дэх тамхиа дууслаа… I know know know - арьсанд муу, хурдан хөгшрүүлнэ гэдгийг... гэхдээ яг одоо надад энэ хань болж байна. Заяа http://zaya13.blogspot.com/2010/10/blog-post_19.html -гийн шүлэг толгойд орох шиг боллоо.

Хайр минь чи хаа явна даа??

Ёоо, толгойгоо тас цохичлоо. Уусан виски, татсан тамхи нөлөөлж байх шиг байна. Стакандаа ус хийх гэж байгаад, унтлагын хувцаа норгочлоо. Тайллаа.

Нэг мэдсэн 1.5 лтр ус уучжээ.. уусан виски, тамхины утаа алга болчжээ.. кино минь ч дууслаа. 10аад шумууланд хазуулсан байх аа - утаа хөөх гээд цонхоо онгойлгосон чинь ороод ирж..

Маргааш өглөө энэ бичлэгээ уншаад инээд минь хүрэх байх даа. Блогтоо тавьсан ч нээлттэй тавихгүй ч байж мэднэ. Гэхдээ хүмүүс намайг төгс хүн биш гэдгийг мэдээсэй гэсэндээ би тавьмаар байна. Амьдралын өнгө чин зөвхөн хар, цагаан биш, олон завсрын, хурц, бүдэг өнгүүд бий учраас би өнөөдрийн хийсэн зүйлдээ өөрийгөө буруутгахгүй, өрөөлөөс ч ичихгүй..

Гэхдээ би яг одоо хогийн сав шиг шатсан хог шиг үнэртэж байна.. тамхийг үзэн ядчихлаа.. өглөө хайрцагт үлдсэн тамхиа гаргаж хаянаа.

Өглөө энэ бичлэгээ уншлаа.. урд шөнө тамхийг үзэн ядатлаа тамхи татсан байна. Гэрт байсан хайрцаг тамхиа өглөө хогийн саванд хийчихлээ. Дахиж татахгүй ээ гэж determined.. Шинэ өдөр сайхнаар эхэлж байна..

Гей

2010-10-17T22:13:00.004+08:00

Өмнөх бичлэгт цэнхэр залуутай хамт нэг байранд амьдарч байгаагаа дурьдсан. За түүний төрсөн өдөр уржигдар боллоо л доо. Манайд цэнхэр найзууд нь цуглаж аваад, гарч хооллоод цэнхэрүүдийн найт диско клуб явлаа. Миний хувьд анх удаа тийм газар очиж үзэж байгаа нь энэ. Оронгуут л үүднээсээ аваад бөөн царайлаг залуучууд.. Нилээд high-end газар бололтой. Гурав, дөрвөн л бүсгүй хүн харагдаж байна.. над шиг сонирхож үзэхээр ирсэн биз..

Club-ын дотоод зохион байгуулалт их таалагдсан. No smoking area - үнэхээр гоё. Бид 10-уулаа байсан ба 2 босоо өндөр ширээ нийлүүлээд, тойроод зогсоцгоолоо. Энд хүмүүс уух юмаа дундаа тавиад тойрч зогсоод, тайзан дээрх үзүүлбэрүүдийг үзэж, мөн ширээнийхээ хажууд л бүжиглэцгээдэг юм байна - ийш тийшээ хэсүүчлээд байхгүй.

Лейди бойс-ын тасархай бүжгийн үзүүлбэрийг үзээд бараг л алмайрсан, хэхэ. Ямар ч стильный, күүл хөдөлгөөнтэй бүжиглэдэг ийн, ямар ч царайлаг, тасарцан фит бие хаатай ийн. Манай хэд бөөн дуу шуу болоод л...

Харин дараагаар нь гадна төрхөөрөө яг эмэгтэй хүн болчихсон лейди бойс өөрсдийн дуунуудаасаа сонирхууллаа. Яг л эмэгтэй хүн шиг харагдаж, дуугарч, дуулж байна лээ.

Тайланд залуучууд эвсэлтэй, гоё бүжиглэдэг юм билээ. Бүгд л ширээн дээрээ Жони Вокер виски тавьсан харагдана. Шөнийн 3 хүртэл тасралтгүй бүжиглэцгээхдээ эмх замбараатай, соёлтой, боловсон наргиж, цэнгэж байгаа нь их таалагдсаан.

'Тайланд гейчүүдийн хувьд жаргалын орон' гэж Кейрэн (рүүмий) надад хэлсэн нь үнэхээр л үнэн юм даа гэж бодогдож байлаа. Тэд энд хэнээс ч айж, ичиж, нуугдаж амьдрах шаардлагагүй. Харин Монголд маань байдал эсрэгээрээ. Youtube дээр Монголд нэгэн гей залууг хэрхэн зодож, тарчлааж байгаа бичлэг байдаг. Тэдний эрх маш их зөрчигддөг /ажил, нэр төр, аюулгүй амьд явах гм/.

Урьд нь цэнхэр хүмүүсийн талаар сайн ойлголт, төсөөлөл байхгүй байснаараа буруугаар stereotype-ддаг байсаан, миний хувьд. Харин ийм залуутай нэг байранд амьдарч, найз нөхөд болж байгаагаараа тэдний ертөнцийг улам ойлгож байна. Тэд бидний л адил хүмүүс. Адилхан сурч боловсорч, ажиллаж, хайрлаж дурлаж яваа эрдэнэт хүмүүс.

Магад таны ойр хавьд цэнхэр, эсвэл, ягаан хүн байж болно оо. Байгаагаар нь хүлээж авч, ойлгож, харилцаж, нөхөрлөөрэй. Тэд биднээс өөр биш. Монголд энэ бараг хаалттай сэдэв мэт. Тэдгээр хүмүүс ч дарамт, шахалтан доор амьдардаг. Хувь хүний амьдралынх нь хэв маягийн сонголт л тул түүнийг нь хүндэтгэн, хүлээн авах нь ардчилсан нийгмийн ухамсарт иргэд бидний хувьд ёс зүй, үүрэг гэж хэлж, уриалмаар байна.

Танихгүй эмэгтэйн захидлаас төрсөн дурсамж

2010-10-16T16:27:00.004+08:00

Хүн бүрт ариун нандин хайрын дурсамж байдаг байх..

Манай Monbookclub-ынхан энэ долоо хоногт Австрийн нэрт зохиолч Штефан Цвайгийн 'Танихгүй эмэгтэйн захидал'-ыг уншихаар сонгосон. Хэдий хэлэлцүүлэгт нь биеэрээ очиж чадахгүй ч, онлайнаар санал бодлоо хуваалцаж, оролцож байгаадаа баяртай байгаа.

Энэ зохиолыг уншиж байхад бүтээгүй хайрын тухай дурсамж минь бодогдож байлаа. 7-р ангид дөнгөж ороод байсан үе,14 настай.. Анх түүнийг харсан мөчөөс л дурласан, яг л энэ зохиолын танихгүй эмэгтэй шиг. Гэхдээ зүрхэлж юу ч яриагүй ээ олоон сар.

Зохиолын эмэгтэй дурласан залуугийнхаа төлөө ном их уншдаг болж, төгөлдөр хуур дарж сурдаг шиг, би бас нэг алхам хийж байсан юм байна. Тэр волейбол үнэхээр мундаг тоглодог, хараад л баймаар. Түүнийг таньж мэдэж, хажууд нь байхын тулд волейболын секцэнд явж эхэлж билээ. Тоглолтуудыг нь алгасахгүй үзэхийг хичээгээд л. Даанч бяцхан охин байсан болохоор, өөр аймгуудаар аваргын тэмцээнд явахад нь явж үзэж чадахгүйдээ, мөнгөгүйдээ, эрх мэдэлгүйдээ цухалддаг байсан. Волейболын багийнхан голчлон ийш тийшээ вагоноор багаараа явна. Болдогсон бол вагоны билет аваад, холоос ч болов хараад, хамт хэдэн цаг нэг вагон дотор яваагаа мэдрээд, сэтгэлийн жаргал эдлэхсэн гэж боддог байлаа.

Зохиолын залуу, бүсгүйд хэлсэн хэдхэн өгүүлбэр байдаг. Миний энэ учралын залуу ч надад хэлсэн ганцхан өгүүлбэр байдаг нь бэлтгэлийн завсарлагаанаар 'Мэнгэ чинь их хөөрхөн зохижээ' гэж, хэхэ. Түүнийг харах болгонд зүрх цээжиндээ багтаж чадахгүй байгаа юм шиг л цохилдог байсансан.

Зохиолын бүсгүйн амьдралд учирсан залуус бүр түүнийг хайрласан, харин хайртай залуу нь л хайрлаагүй, таниагүй. Миний тэр залуу ч намайг хэзээ ч хайрлахгүй, таних ч үгүй байх. Энүүгээрээ үлдсэн нь илүү ариун-нандин.

Эцэст нь хэлэхэд, Штефан эрэгтэй хүн атлаа, энэ зохиолдоо эмэгтэй хүний дотоод ертөнц, сэтгэлийг үнэхээр гайхамшигтай, чадварлагаар дүрслэн гаргасан байна лээ.

Эндээс PDF-ээр татаж аваад уншиж болно. http://games.groups.yahoo.com/group/monbookclub/files/

Номын клубт элсэхийг хүсвэл:
Facebook: Monbookclub
Yahoo group: Monbookclub

7 дүү хүнтэй?

2010-10-13T19:53:00.003+08:00

Ер нь би өөрөөсөө ах хүнтэй сууна гэж бодсоор ирсэн, бодож ч байгаа л даа. Гэхдээ нэг баримт хэлэхэд, хэрэв би өөртэйгээ чацуу хүнтэй суулаа гэхэд л, тэр маань надаас 7 жилийн өмнө өнгөрөх магадлалтай. Учир нь Монгол эмэгтэй хүний дундаж наслалт 70 байхад, эрчүүдийнх нь 63 байна (2010 оны байдлаар).

Хөвгүүд охидоос илүү тоотойгоор төрдөг ч (105:100), эрүүл мэндээрээ охидоос сулдуу байдаг ба төрөлтийн дараахан эндэх нь илүү, мөн осол, зодоон цохионоор амиа алддаг. Тэгээд бэлэвсэн эмээ нар их болдог жамтай хорвоо.

Уул нь өвгөнтэйгээ гар гараасаа хөтлөлцөн өтөлбөл хичнээн сайхан.. Тэгэхээр, өөрөөсөө дор хаяж 7 дүү хүнтэй суух болох нээ.. not likely for me, though..

Тайландад өнгөрөх нэг жил

2010-10-05T18:31:00.003+08:00

Өнөөдөр Тайланд улсад сурахаар ирээд яг 1 сар болж байна. Тайландад ирнэ, тэр тусмаа сурна гэж зүүдлээ ч үгүй явлаа. За цаашлаад, цэнхэр залуутай рүүммейтлэнэ гэж бүр ч... хэхэ амьдрал аа, гэж бөөн сюрприз юмуу, хаашаа юм..
Тайланд улс 66 сая хүн амтай; Бангкок хот 9 сая хүнтэй. Голч нас нь 34, харин манай улс 25. Хүмүүс нь зөөлөн дуутай, тусархаг, инээмсэглэсэн, ер нь л тийм аймаар биш юм. Эр, эмгүй л туранхай, туяхан хүмүүс. Гэхдээ намхандуу. Би өндөр өсгийтөө өмсөөд явахаар ихэнхийг нь оройноос нь хараастай, кк.
Баклаврын оюутнууд нь бүгд цагаан сорочка, хар юбка, брюк өмсөх юм. Харин магистр, докторын оюутнууд энгийн хувцаслана. Тэр цагаан цамц, юбкыг нь худалдаж авч өмсөөд, BA оюутнууд шиг хичээлдээ хааяа явж байвал зүгээр ч юмуу гэж бодогдоно. Ер нь иймэрхүү дүрэмт хувцсын системийг манай их дээд сургуулиуд нэвтрүүлж болдоггүй юм байх даа..

Одоо борооных нь улирал учраас өдөр бүр дуу цахилгаантай ширүүн бороо орж байна- гэхдээ гоё дулаахан бороо..
Над шиг жимс, ногоонд дуртай хүнд бол Тайланд диваажин мэт - шив шинэхэн, хямдхан, урьд өмнө үзэж хараагүй өнгө, төрх, амттай тропикал жимсүүд.
Гэхдээ л ямар ч сайхан зүйл байсан нутгаа санасан сэтгэлийг минь дүүргэж чадахгүй л байна, ер нь чаддаггүймөө. Азаар Тайланд Монголтой ойр учраас зарим нэг найз нөхөд минь ирэх сурагтай.

Цэцгэнд саатсан бодол

2010-08-22T16:00:00.003+08:00

Өнөө өглөө цонхны тавцан дээрх сарнайлсан цэцгээ харахдаа нэгэн бодолтой саатлаа. Энэ цэцэг минь өвөл ерөөсөөсөө цэцэглээгүй - их даарч, зовсон байх аа. Халаалт муу, дээрээс нь цонхоор салхи сийгээд.. Эсвэл, цэцэг өгсөн найз бид хоёрын харилцаа гандсан болохоор цэцэг минь бас дагаад гундуу байв уу?.. Гэхдээ одоо цэцэг дэлбээлсэн - тэр найз бид 2-ын харилцаа ч бас дэлбээлээсэй..

Учрал ба хөг

2010-08-20T20:38:00.002+08:00

Өдөр бүр шинэ учралтай
Өнгөт орчлон юутай баян
Догдлох сэтгэл зүрх хөндөхөд
Дуу шүлэг бодол хөглөнө

Өөртөө хэлсэн үгс..

2010-08-20T20:33:00.002+08:00

Алдаж, эндэхийн алийг тэр гэхэв
Айж, ичиж өөрийгөө бүү шаналга, охин минь
Үргэлж өөдрөг, сэтгэл сайтай байхад
Үзэсгэлэнт дотоод ертөнц чинь гундахгүй ээ

2010-08-17T20:13:00.001+08:00

нээх сайхан шүлэг унших юмсан...

намрын урьтал

2010-08-15T12:22:00.004+08:00

Сэрүүсэхэд сэтгэлд уй хурна
Сэм сэмхэн бодолд дарагдана

Идэр залуу чамд сэтгэлээ алдмааргүй
Ихэмсэг хүүхэн аалиа гээмээргүй

Memoirs of Herlen

2010-07-29T11:29:00.006+08:00

Зүүн хязгаарын Дорнод нутагт 38 хоног ажиллаад ирлээ. Нүд ирмэх зуур л өнгөрсөн мэт. Цэл залуу насныхаа гал дөлөөр бадарч, шатаж яваа шижигнэсэн олон залуу хүмүүстэй хамт ажиллаж, амьдрахад сайхан байлаа. Өглөө 8аас орой 10 цаг хүртэл амралтын өдөргүй ажилласан ч цуцахгүй нас...

Аймгийн төвийн сум Хэрлэн нь 40000 гаруй хүн амтай, орон сууц, барилга ихтэй. Хэрлэн голоо дагаад уртаашаа сунаж тогтсон энэ хот амьдарч, ажиллахад таатайдуу. Оросууд соц-нийгмийн үед суурьшиж байхдаа маш их мод тарьсан нь одоо сүглэгэр өндөр сайхан моднууд болж, Хэрлэн хотыг ойн төгөл мэт үзэсгэлэнтэй болгожээ.

Хэрлэнд шүлхий гараад 7 сарын 11нд Наадам бололгүй хойшлогдоод 7 сарын 29, 30нд болсон. Хуушуур олж идэж чадаагүй ч /аймаар очертой байсан/ хорхог, айрагтай сайхан наадам болсон. Залуучуудтайгаа Дорнодын Энх зусланд очиж нэг сайхан өдрийг өнгөрөөсөн. Work hard, play hard шдээ. Зүрхэнд минь хоногшсон Дорнод сайхан нутагт дахин очих байлгүй дээ.

Зүрхгүй

2010-06-25T21:40:00.000+08:00

Нэг сарын аяаан гэж..

2010-06-11T23:52:00.003+08:00

Хөл бөмбөгийн тэмцээн өрнөх энэ 1 сарын турш УБ хот маань амгалан тайван байгаасай, архидалт бага байгаасай...
Сая 50-р дэлгүүр орж маргаашийн явган аялалдаа зориулж хоолны материал авах гээд ороход пиг хүн - бүгд л архи, пиво авч байгаа харагдана. Шөнийн 11:30 шдээ. Эмэгтэй хүн ер нь л харагдаагүй - гэртээ л байгаа байх.
Эрчүүд маань ухамсартай мөн соёлтой үзэж, эмэгтэйчүүд маань тэднийг ойлгож, хүлээцтэй хандах 1 сарын аян ингээд эхэллээ.
Go, England!

Үсний эрүүл мэнд

2010-06-07T21:48:00.018+08:00

Tэмдэглэлийн дэвтрийн минь хамгийн арын хуудсанд үс арчилгааны талаар хөөрхөөн бичил зөвлөгөө байдаг юм. Түүнийг эндээ орчуулж тавибал хүмүүст бяцхан ч гэсэн хэрэг болох биз гэж бодлоо.

Үс эрүүл байх нь зөв зохистой хооллолттой шууд холбоотой байдаг. Дараахь витаминууд агуулсан хоол хүнс үсийг эрүүл сайхан болгодог. Үүнд:

Уураг
Үсний бүтцийн 98% уураг байдаг тул загас, өөхгүй мах, өндөг, бяслаг, үр, самар зэрэг уураг ихтэй хүнсүүд үсэнд сайн.

А витамин
Чихэрлэг төмс, лууван, цэцэгт байцаа, хулуу, гуа, чангаанз зэрэг нь А витаминаар баялаг.

В витамины комплекс
Хэрэв В витамины дутагдалд орвол хүний үс гэмтэж, их унадаг болдог. Тиймээс, ногоон өнгөтэй хүнсний ногоонууд, шош вандуй, наранцэцгийн үр, самрыг хүнсэндээ хэрэглэн асуудлаа шийдэж болно.

С витамин
Энэ төрлийн витамин нь үсний эд эсийг сэргээж, ургуулдаг. Мөн үрчлээг арилгаж, дархлалын системийг бэхжүүлдэг. С витамин нь тарвас, гуа, цитрус, жижиг үрлэн жимсүүд, өнгөт байцаа, улаан чинжүү, улаан лоольд ихээр агуулагддаг байна.

Е витамин
Энэ төрлийн витамин зүрхэнд мөн үсэнд тустай. Авокадо, будаа, самар, хар ногоон өнгийн ногоонууд, буудайн гурил, шош зэрэгт байдаг.

К витамин
Яс, шүд, буйл, үс, булчин зэргийг эрүүл байлгахад нэн тустай. Далайн төрлийн хоол, цагаан идээ, инжир жимс, аспарагус, цэцэгт байцаа, летус зэрэгт К витамин ихээр агуулагдана.

Тос
Омега-3, 6 хэмээх загасны төрлийн тоснууд үсийг чийглэг болгодог. Маалинганы үрэнд энэ тос ихээр байдаг.

Ус
Дор хаяад өдөрт найман стакан ус ууж байх нь эрүүл үстэй байхын гол цөм юм. Учир нь ус ууснаар биенд буй хар хортой бодисоо гадагшлуулдаг.

Таавар

2010-05-25T23:16:00.003+08:00

Найз найзаараа
Төлбөр төлбөрөөрөө

Тэр юу вэ?
Шагнал: санасандаа

Хорин таван жил

2010-05-02T20:01:00.004+08:00

Дэрээ нэвчиртэл уйлсан дэндүүхэн хайртай учраагүй 25 жил
Дэмийрч ухаанаа алдсан халуухан дурлалтай таараагүй 25 жил
Хаагуур нь тойроод заяаны чамтайгаа учрахгүй байгаа юм бол?
Хажууханд минь эсвэл байгааг чинь анзаарахгүй байна уу?

today and yesterday

2010-04-26T11:36:00.004+08:00

I was down yesterday,
but I am up today
I was hurt yesterday
but I am healed today
I was confused yesterday
and I am still confused today.

2010-04-18T23:39:00.001+08:00

"Хамгийн харанхуй үе үүр цайхын өмнө байдаг." Испани ардын зүйр үг

Зүрхний гоо сайхан

2010-04-14T10:54:00.006+08:00

Унших дуртай блогийн бичлэгийг орууллаа. Олон хүн уншаад урам аваасай гээд... http://narush.blogspot.com/2010/04/blog-post_14.html

Зүрхний гоо сайхан

Хүмүүн бидний амьдрал, хэл яриа, соёл дэндүү баялаг ч
заримдаа бид үгээр илэрхийлж, үзгээр бичимгүй тийм гайхалтай, т ансаг, уянгалаг зүйлүүдтэй учирч шинэ мэдлэг, мэдрэмж олж авах нь бий. Тийм зүйлүүд бидэнд нэг хэсэгтээ л амьдралын эрч хүч, эерэг энерги өгч байдаг. Харин эсрэгээрээ энергийг маань сорж, хүчийг маань сулруулж байдаг зүйлүүд бий.
Хатуу сэтгэлтэй, чулуун зүрхтэй хүний тухай сонсож, тийм хүмүүсийн амьдралын хэв маяг, бусдад нөлөөлөх сөрөг энергийн талаар эргэцүүлэн бодож өр өвдөж байсан минь саяхан. Энэ талаар өөрийн бодлыг бичмээр, бусадтай хуваалцмаар байсан ч үзэг цаас эвлэж өгөхгүй нэлээн явлаа. Сөрөг зүйл гэдэг сөрөг л байдаг бололтой.
Гэтэл өчигдөр миний дотроос юу намайг тэгтлээ хатгаад байсныг санаандгүй байдлаар мэдэрсэн. Энэ бол хатуу сэтгэлийг зөөллөж чадах эерэг хүч байлаа.
Хүн алдахын тулд амьдардаггүй, харин амьдарч байгаа хүн алдаа гаргадаг. Хатуу сэтгэлтэй хүмүүс ч гэсэн өөрсдөө хүсээд тийм болдоггүй.
Бага насандаа туулж өнгөрүүлсэн амьдралын хар бараан сүүдэр хүүхдийн зан араншин, төлөвшилд нэлээд сөрөг нөлөө үзүүлдэг болохыг сэтгэл зүйчид судалсан байдаг. Бага насандаа ядуу, тарчигхан амьдралын хүнд бэрхийг туулж өнгөрүүлсэн хүүхдүүдийн ихэнх нь ядуу байхыг үзэн яддаг болох нь хэвийн үзэгдэл аж. Тэдний ихэнх нь үүнээс гарахын тулд маш их хүсэж, хичээдэг бөгөөд насанд хүрээд ядуурлаас ангижрахын тулд сонгосон арга зам нь янз бүр байдаг.
"Би л хичээх ёстой, би л өөрийгөө гэхгүй бол хэн намайг гэх билээ. Би л болж байвал бусад хүн ямар байх нь хамаагүй" гэсэн бодлын үр зарим нэгнийх нь бяцхан оюунд цацагдаад өсөж томрох тусам дагаад томорсоор... Энэ үр гүйцэд боловсрохын цагт хувиа хичээсэн, хаалттай, хатуу сэтгэл болж хувирдаг байна. Хэрвээ ийм хүүхэд ядуу чигээрээ үлдвэл бусдад атаархамтгай, бусдад буруу зүйл хийдэг, гутранги нэгэн болдог байхад боломжийн амьдарч байгаа нэг нь сайрхал, бардамналаар өөрийгөө хучиж өнгөрсөн амьдралаа далдлах гэж оролдоно. Тэдний хувьд нүүрэнд нь бардамнал тодорч, зүрхэнд нь хатуурлын процесс явагдаж байх аж. Ойр дотны хүмүүстээ сайнаар хандаж, эелдэг харьцдаг боловч цаанаа л нэг хүйтэн хөндий байдал бусадтай харилцахад нь хана болж байдаг бололтой. Тийм хүний хүрээлэлдээ нөлөөлөх байдал эерэг биш гэдэг нь тодорхой. тийм хүнээс жинхэнэ хайрын халуун илчийг мэдрэнэ гэж үгүй. Гэхдээ хэнтэй учирч, юу мэдрэхээс цаашдын бүх амьдрал энэ хэвээрээ байх уу, өөрчлөгдөх үү гэдэг нь хамаарна.
Хатуу сэтгэлтнүүдэд хамгийн хэрэгтэй зүйл бол хайрын мэдрэмж.
Эргэцүүллийнхээ төгсгөлд миний дотоод хүний дуу хоолойг сонсон буй танд зориулж нэгэн түүхийг өгүүлье.
<<Харахад ямарч өө сэвгүй, сайхан зүрхтэй нэгэн залуу байжээ. Тэр залуу өөрийнхөө зүрхийг хамгаас үзэсгэлэнтэй гэж бодсон учраас хүмүүсийг дуудаад зүрхээ харуулж гэнэ. - Хүмүүсээ миний зүрхийг хараач. Хамгийн үзэсгэлэнтэй зүрх надад байна гэх түүнийг бүчсэн олон үнэхээр өө сэвгүй, цэвэрхэн гоёмсог харагдах түүний зүрхийг бахдан биширнэ. Учир нь бусад хүмүүсийн зүрх ямар нэг шарх, сорвитой байх аж. Гэтэл олны дундаас нэгэн настан гарч ирээд: - Хүү минь миний зүрхийг хар. Миний зүрх чинийхээс үзэсгэлэнтэй, хамгийн сайхан нь гэжээ. Настангийн зүрхийг харвал нүд халтирмаар... Дэндүү их шарх, сорви, нөхөөс, онгорхой, цоорхой... Залуу эгдүүцэж: - Та юу ярина вэ? Таны зүрх хүн харахын аргагүй муухай юм гэжээ. Харин настан хариуд нь: - Чиний зүрх харахад гоёмсог ч хатуу, хүйтэн байна. Харин би маш олон хүнийг хайрлахдаа зүрхнээсээ таслаж өгдөг учраас миний зүрх онгорхой, цоорхой байгаа юм. Энэ олон нөхөөсүүд бол хүмүүсийн намайг хайрлаж өгсөн зүрхний хэсгүүд. Би бусдыг хайрлаж, бусдаар хайрлуулж зүрхээ чимдэг. Одоогоор миний зүрх зарим хэсэгтээ онгорхой байгаа ч энэ цоорхойг нөхөх зүрхнүүд байгаа гэдэгт би итгэдэг гэв. Настангийн яриаг сонсож зогссон залуугийн зүрх шимширэв. Хайр түүний хатуурсан зүрхийг зөөлрүүлэхэд хэсгийг тасалж аваад настангийн зүрхний онгорхойг бөглөж өглөө. Хариуд нь настан ч мөн түүний зүрхийг өөрийнхөө зүрхний нэгээхэн хэсгээр нөхөж өгөв. Хэдийгээр нөхөөс яг таг таараагүй ч мөнөөх залуугийн зүрх урьдынхаасаа илүү үзэсгэлэнтэй болжээ.>>
Бүх үзэсгэлэнтэй зүрхнүүдэд зориулав.

2010-04-06T15:09:00.002+08:00

Хэнд ч юм шүлэг бичмээр
Үгүй ээ, бичиж яах юм!
Хэсэгхэн зуурын л догдлол

Ийм нэг үе..

2010-02-28T12:27:00.003+08:00

Гунигтай, баяртай, нулимстай инээдтэй өдрүүд үргэлжилсэн амьдрал минь. Заримдаа бүүр down гэдэг нь болоод, заримдаа сэтгэл сайхан гайгүй. Хүрлээгийн хэлдэг шиг "Амьдралд юу ч ойлгохгүй эргэлзээд байна даа." Ажлаар хөдөө машинаар явж байхдаа зам ширтэн, уулс тал хараад юм бодоод, эргэцүүлж явах гоё л байдийн. Аз жаргал ч юм шиг. Аз жаргал гэснээс нэг хүн саяхан надаас "Аз жаргал гэж юу вэ?" гэхээр нь би лаг том том юм ярьсан чинь "тийм юм гэж байхгүй л дээ, тухайн моментоо л бид аз жаргал болгодог. Одоо энэ ярилцаж байгаа хоромхон мөч ч байж болно" гэж байсан. I agree. Тийм болохоор би амьдралаас дүүрэн аз жаргал хайхгүй ээ, утгагүй. Харин хааяа л нэг таардиймуу..

Хоосон

2010-02-12T17:29:00.002+08:00

Сайхан дуу сонсохдоо бодох хүнтэй байхсан
Санаашрахдаа ч бас утга учиртай байхсан
Зөрүү солиу тавилан гэж баймааргүй л юм
Зөнгөөрөө явахаар ингэдэг зохиол юм болов уу

Хоёр зүрх биесээ танин учрахсан
Хослон явахын жаргалыг мэдэрч үзэхсэн
Өдрийн бодол, шөнийн зүүд болсон учрал баймаар л юм
Өөрөө би эсвэл хүйтэн чулуу болсон юм болов уу

Болор Цом

2010-01-09T16:19:00.004+08:00

Болор Цомыг анх удаа үзэж үзлээ. Үзэх хань олдохгүй байсаар өөрөө эцсийн мөчид ганцаараа очоод л үзчихлээ. Циркийн 2/3 нь дүүрсэн байлаа. Ихэнхи үзэгчид дунд эргэм болон түүнээс дээш насныхан харагдана. 27 дахь жилдээ зохион байгуулагдаж байгаа яруу найргийн наадмыг Пунцагийн Бадарч гуай, мөн нэвтрүүлэгч Бямбаа нар хөтлөн явуулсан. Тэр 2 сүүлийн 7 жил хамтран хөтөлж буйгаа дурдаж байна лээ. Шүүгчид дүнгээ гаргахаар тайзны араар орсон агшнуудыг ашиглан Пунцагийн Бадарч гуай ахмад зохиолчид, яруу найрагчдаа дурсан, өөрсөддөө тохиолдсон хөгжилэй дурсамжуудаасаа хуваалцаж биднийг баясгаж байлаа. Бадарч гуай: 'Би 24 жил Болор Цомд оролцохдоо 1 удаад нь үзэж бусад бүх удаад нь өөрийгөө үзүүлжээ. Оролцож үзүүллээ, хөтөлж бас үзүүлсээр 23 жил болсон байна даа' гэж хошигнож байлаа.

Бүтээлээ ирүүлсэн 100 гаруй яруу найрагчдаас 34 нь шалгарч, шүлгээ хэллээ. Тэднээс тал нь дараагийн шатанд шалгарч, ийн явсаар айргийн 5-д үлдсэн хүмүүсийн нэрийг танилцуулахад нэгэн сонирхолтой зүйл болж өнгөрлөө.Б

Гүрбазарын 'Үзэгний Чимээ'хэмээх шүлгийн CD нь IPod-нд маань байдаг юм. Тэрийг би сонсоод гудамжаар алхахдаа үнэн дуртай. 'Дэлгэрмаа эгч,''Говийн Ганц Айл,''Би Монголоороо Гоёдог,'Хань минь' гэх мэтчилэн шүлгүүд нь үнэхээрийн гоё, дахин дахин сонсох бүрт ухаарал нэмэх мэт. Гүрбазарыг маань даанч айргийн тавд оруулсангүй. Уул нь үнэхээр мундаг шүлгүүд уншсан шүү. Цирк даяар үзэгчид Гүрбазарыг оруулаагүйд эсэргүүцэж, шударга шүүсэнгүй хэмээн бухимдан шаардаад ч дийлсэгүй ээ. Харин Гүрбазар өөрөө гарч ирээд 'Бүх юм шударга явж байгаа. Би 20 жил Болор Цомдоо сайхан оролцлоо. Дараа жилээс би харин оролцохгүй, зөвхөн ард түмэн та нартаа л шүлгээ зориулан бичих болно оо.' гэж хэлээд тайзнаас буулаа.

Үймэрсэн олныг намжаан Бадарч гуай ч бас ухаарлын сайхан үгээ хэлээд амжив. 'Яруу найраг гэдгийг үнэхээр хэмжиж болшгүй ээ. Энийг чинь метрлэж болохгүй, литрлэж болохгүй. Аль нэг шинжлэх ухаанаар хэмжиж болдоггүй эд юм байгаан.' гэлээ.

Миний эх орноо хайрлах, Монгол ард түмнээ хүндэтгэхэд яруу найраг их нөлөөлдөг. Монгол хүмүүсийн маань оюун ухаан нь ямар мундаг гээч - үгийн баялаг, дүрслэл, найруулга, эх оронч сэтгэлгээ нь бүгдээрээ яруу найрагт нь шингэсэн байдаг. Залуу үеийнхэн маань яруу найргийг улам их шимтэн уншиж, эх орноороо бахархан, хайрлах болтугай!

'Bi Chadna' Huuhdiin Tuviin Eolk

2010-01-04T09:21:00.003+08:00

Эрэгтэй найз

2009-11-18T16:02:00.003+08:00

Хоёр сайн эмэгтэй эсвэл эрэгтэй найзууд зөндөө л байдаг. Эсрэг хүйсний хоёр сайн найзууд байж болно гэж би боддог, тийм ч найзууд надад байдаг. Гэхдээ нилээд хэдэн хүмүүс тийм юм гэж хаа байсийм, ялангуяа эрэгтэй хүн хэзээ ч эмэгтэй хүнтэй зүгээр найзална гэж байхгүй гэх юм. Эмэгтэй хүмүүс бид бол яг цэвэр найз гээд илүү дутуу эр эмийн юм бодолгүйгээр хүндлээд найзалж нөхөрлөөд явж болдог. Үүнийг бол би баттай хэлж чаднаа, өөрөө би эмэгтэй болохоор :) Хэрэв эрчүүд үнэхээр тэгж найзалж нөхөрлөдөг юм бол яадаг ч юм билээ дээ...

Хөөрхөн хөөрхий хүүхдүүд минь

2009-11-16T14:12:00.006+08:00

Харахад хад чулуу шиг ч
Хайр зүрхэнд нь цохилдог
Хүүхэд гэсэн сэтгэл үйлстэй
Хүндлэл дагуулсан анд-ынхаа бичлэгийг энд тавьлаа. Та урмаараа, ухаанаараа ирээдүй болсон хүүхдүүддээ тусалж, бидэнтэй нэгдээрэй. www.mongolhuuhed.wordpress.com

Улс гэрийг байгуулахад хүн бүрийн хүчин туслалцаа хэрэгтэй гэдэг шиг надад хүүхдүүдэд маань туслалцаа, сэтгэл зүрхний хандив хэрэгтэй байна.

“Би чадна” гээд Хүүхдийн төлөө төвөө хөл дээр нь босгох гээд энэхүү бичлэгийг бичиж сууна. Улс гэрийг байгуулахад хүн бүрийн хүчин туслалцаа хэрэгтэй гэдэг шиг надад хүүхдүүдэд маань туслалцаа, сэтгэл зүрхний хандив хэрэгтэй байна. Ямар нэг төрийн бус байгууллагын нэр барьж мөнгө төгрөг нэхээгүй, залилан хийх гээгүй юм шүү. IMG_3101
Угаасаа цэвэр хувь хүмүүсийн өглөг, дэмээр боссон энэхүү төв маань нэг жилийн ойтойгоо золгож байна. Зөвхөн өнчин ядуу хүүхдүүд гэж туйлшрахгүй гэр орондоо хичээл ном унших, чөлөөт цагаа өнгөрүүлэх боломж тааруу тийм газар газар… хүүхдүүдийн инээд хөөр бялхсан, бужигнасан Дарь эхийн тэнд “Ганц худаг”-ийн амны яг дэргэд байгуулагдаад удаагүй байна. … Бид хүүхдүүдэд хайртай гэж ярьдаг гэхдээ тэдний төлөө хийсэн нь цөөхөн. Нэг биш нилээн олон хүүхдүүдэд хүний сэтгэл зүрх чиглэдэг, цэвэр тэдний төлөө гэсэн хөрөнгө оруулалт гэж үзсэн учраас энэ төвийг байгуулсан. Зарим нэг маань амьдарлын шаардлагын улмаас төвийн үйл ажиллагааг явуулах, оролцох боломжгүй болж..
Ерөөс тодорхой хэлэхэд энэ төв маань хэд хэдэн зорилготой юм. 1. Цэвэр хүмүүнлэгийн үйлс өөрөөр хэлбэл филантропи аян учраас ямар нэг ашиг олох шинжтэй үйл ажиллагаа энд байхгүй. Хүүхдүүдээс хэзээ ч мөнгө, төгрөг хураамж авдаггүй. Сайн санаат хүмүүсийн сэтгэл зүрхний хандив дээр тогтдог. Таныг чихэр жимс аваад ир гэх гэхгүй харин хуучин номоо дэвтэр аваад ирвэл бид баярладаг.
2. Гэр хороолол дунд, гүнд байрладаг өөрөөр хэлбэл яг гэр орондоо хичээл ном унших боломжгүй тийм хүүхдүүдэд үйл ажиллагаа маань чиглэгддэг. Бичигч би вээр өөрөө ч гэр хороолол дунд өсч хүмүүжсэн болохоор хотын төвд ийм хүмүүнлэгийн төв байгуулах үр дүн багатай гэж үздэг. Тэгээд ч яг хүүхдэд чиглэж хүрдэг нь хэд билээ дээ.
3. Сайн нөхөд , Блогчид тусалдаг.. Хайртай найзууд маань энэ төвийн үйл ажиллагаанд зөндөө тусалдаг Оргио, Оогийноо, Батзаяа, Ариус, Чимгээ, Номингоо, Мэндээ, Номио, Эрдэнээ, Лхагвасүрэн, Солонгос улсад ажилаж хөдөлмөрлөж байгаа сайн санаат нөхөд… /зарим хүмүүсийн нэрийг бичвэл багтахгүй байна/ гээд байвал дуусахгүй урт цуваа үргэлжилдэг. Тэд маань эргээд нэгдэнэ гэдэгт би итгэлтэй байна. Дөлгөөн гээд залуу сая том сэтгэлийн болон биет туслалцаа үзүүлсэн, бүр 3 хайрцаг ном аваачиж өгсөн юм шүү. Ийм хүмүүст хүүхдүүд маань би ч бас хайртай. Ийм л ч учраас энэ төвийн маань үйл ажиллагаа хэзээ ч зогсохгүй гэж би бодож байна. бид ийм хүмүүст хайртай, бас дуртай
4. Хэд хэдэн асуудал байгаа… Өөрөөр хэлбэл энэ төв маань жижигхэн тоосгон дэлгүүрийн 2 давхарт байрладаг. Түрээс нь сарын 200 мянган төгрөг. Бас багш байх… Сарын 150 мянган төгрөгний цалинтай боловч сүүлийн 3 сар цалингаа аваагүй, сэтгэл зүрхээрээ явж байгаа эмэгтэй бий. Хажуугаар нь автобус, унааны мөнгө гээд л асуудал зөндөө, товчоор хэлбэл 3 сарын байрны түрээс, багшийн цалинг өгөөгүй байгаа. Цаашид санхүүгийн ямар нэг эх үүсвэр хэрэгтэй байхаа. Ямар нэг төрийн төлөө байгууллагын төлөө биш хүүхдүүдийн төлөө юм шүү гэдгийг тодотгомоор байна. Сая менежер гэх эмэгтэйтэй уулзаад 12 сарын 5 гэхэд 3 сарын түрээсээ өгөхөөр боллоо. Аргагүй дээ. Хэн тэгээд л хэдэн сар түрээсийн байраа хий хоосон ашиглуулахгүй гэх билээ дээ. Угаасаа хүүхдүүдэд тусалж байгаа ч гэсэн түрээслүүлэгч бол түрээслүүлэгч . Танайх үйл ажиллагаагаа явуулахгүй бол бид өөр аж ахуйн нэгж оруулмаар байна гэсэн. Багш маань ч гэсэн… хэн тэгээд цалингүй ажиллаад яваад байх билээ.
5. Энд ямар нэг байгууллагын, хэн нэгний нэр төр, алдар хүнд олох “шоу” хийх гэсэн ойлголт байхгүй. Зүгээр сэтгэл зүрхээр байгуулагдсан ийм төв. Сэтгэл зүрх, суваг /нэг сувгийн гэдэг/ нэгтэй хүмүүс энэхүү үйл ажиллагаанд туслана гэдэгт би огт эргэлзэхгүй байна. Хүүхдүүд ч гэсэн ийм сайхан сэтгэлтэй эгч ах нарыг хараад бахархдаг бас хайрладаг. Дээрээс чам шиг над шиг тань шиг хүмүүс болох юмсан гэдэг төсөөллийг олж авдаг. Мөрөөддөг. Хэрэв та хэн нэгэнд тусламаар, үр дүнг нь мэдэрмээр байгаа бол бидний үйл ажиллагаанд нэгдээрэй гэж уриалж байна. Уг нь сарын 5-10 мянган төгрөгийг ашиг олох биш хүмүүнлэгийн үйл ажиллагаанд зарцуулах гишүүд дэмжигчид байвал үйл ажиллагаа маань зогсохгүй юм. Төлөвлөгөө бол аль нэг Хаан Банк дээр ч юм уу данс нээгээд тийшээгээ шилжүүлж байвал ямар вэ? Санхүүгийн зарцуулалт ч гэсэн mongolhuuhed.wordpress.com сайт дээр ил байг. Хэн нэгэн завшихгүй гэдэг үүднээс…
6. 80-100 хүүхэд энэ төвийн хүрэнд ирж ном уншдаг, чөлөөт цагаа өнгөрүүлдэг тоглодог /бүртгэлтэй, эцэг эхтэй нь албан ёсоор уулзаж дэмжигдсэн/. Ямар нэг байгуулагын харъяа биш гэдгийг ахин хэлмээр байна. Дээрээс нь шашин гэх мэт бусад зорилго агуулаагүй юм шүү. Зөвөөр ойлгоорой. Бас дэмжээрэй Сайн үйлс дэлгэртүгэй
Бичигч: Обдоо

Өнгөрсөн жилийн шинэ жилээр хүүхдүүд маань авьяасуудаа ах эгч нартаа үзүүлээд…

Ганцхан ээждээ унших шүлэг

2009-11-16T09:42:00.002+08:00

Ц.Хулан

Намрын уулнаа бугын урамдахыг сонсоорой
Намайг ухаажихыг үзэх гэж ижий минь та урт наслаарай
Манцуйдаа ирж таныг би ганцхан удаа жаргаасан
Магадгүй тэрнээс хойш дандаа зовоосон

Ганцхан намайг гэж ижий та
Газар дээр минь хичнээн увидастай төрсөн юм бэ?
Бариувчийг минь эсгэж, хуримын өмсгөл чимэглэж
Балчраас минь өдийг хүртэл та оёдолчин явлаа

Оточ маналын хувилгаан ийм байдаг уу гэлтэй
Орон дээрээс минь алгасалгүй тонгойж
Дэрэн дээр намайг бүлээрч хонох болгонд
Дэлхийд хамгийн сайн эмч минь та байлаа

Аягаа эвдэн, эрхэлж ядсан намайг
Аргадсандаа алиалагч болж өмнө минь эргэлдсэн
“А” үсэг бичих гээд будилж цөхөж суухад минь
Алдаатай байхад нь улаан цайм онц тавьдаг багш минь

Цаг оройтсон болзооноос эргэж ирэхэд
Цагдаа, эсвэл үүдний манаач
Сар нарны ээлжгүй гал сахисан тогооч
Сангийн бойпорт арц уугиулж маань уншсан лам аа…

Шүхэр тэнгэрийн дор алдаж эндэх тоолонд минь
Шүүхийн тогтоол уншдаг яллагч нь та мөртлөө
Даамай их хайр тань аанай л хэвээрээ
Давж заалдсан өмгөөлөгч болж зовлонгоос намайг суллана аа

Жигжид бурхныг олон мутартай гэлцэнэ
Жижигхэн энэ бие чинь түүнээс ч олон гартай
Элбэг их хайр, Ээжий гэдэг нэр тань
Энэ орчлонгоос авсан хамгийн том алдар аа

Зүүний сүвэгчээр ч багтах он жилийн урсгалд
Зүгээр л дэргэд минь байж хайрла
Ижий гэж дуудах болгондоо баярладаг
Ижил хэдэн хүүхэддээ урт насалж хайрла!

Би Монголоороо Гоёдог

2009-10-27T07:17:00.008+08:00

Copyright to Undurkhaan

МУГЖ.Гүрбазар

Би Монголоороо Гоёдог

Хөх Азийн цээжин дээр ирж буцахын учир
Хүмүүний алтан заяа энд байхын учир
Туурайн тамгатай хөрсөн дээр унагатай хамт тэмцэж хөлд орохын учир
Тунгалаг шандны толиог хулантай хамт булаалдаж рашаан амсахын учир
Би Монголдоо мэндэлсээн...

Газар тэнгэрийн савслагад гайхуулан байж
Ганц яваа насаараа би Монголоороо гоёно оо

Би
Хөхөөтэй зуны цэцгийн алаг шүүдрээр нь хөлөө гоёдог
Хүрэн толгойн сүүдрийн айзам шавхайгаар нь хоолойгоо гоёдог
Зэрэглээтсэн талын бараан нүүдлээр харцаа гоёдог
Зээглэсэн шар толгодын алтан хормойгоор хаяагаа гоёдог оо

Тийм ээ би Монголоороо гоёдог
Айрганд нь ардын дуу сэвэх үнэрээр нь ханаа гоёдог
Аяганд нь үдийн нар далбилзсан өвгөдөөрөө хоймроо гоёдог
Хаврын тэргүүн сарын шинийн нэгэнд ашдын бэлгээр гоёдог
Намрын дунд сарын арван долоонд амрагийн харцаар гоёдог
Би Монголоороо гоёдог оо

Ширгэшгүй Хэрлэнгийхээ усыг нар зөв бүсэлж гоёдог
Шилгэшгүй нутгийнхаа уулсыг нас зөв түшиж гоёдог
Би Монголоороо гоёдог
Морьд эргэсэн наадмын дурдан тоосоор нь дээлээ гоёдог
Монгол гэсэн зургаан үсэгтэй бурхан нэрээр нь дэлхийд гоёдог оо
Би Монголоороо гоёдог оо

Алган дотор эвчгэн цагаан чулуу ташчихаад
Ангаахай гардаг болов уу гэж томоогүй нас минь үнэмшиж
Аргал түүхдээ хүртэл саврын хумснаас өмөөрөн
Алтан ширээгийнхээ чулууг шувууны амиар хайрласаан

Аргалын чинээ уул байлаа ч зулайд нь гэж залбирна аа эх орон минь
Алгын чинээхэн нутагтай гэвч заяа минь гэж тайтгарна аа эх орон минь
Буурин чинээхэн уулс байвал сөхөрч суугаад жаргана
Бүрэн эрхт Монгол минь байхад сүүгээ өргөөд залбирна аа

Эх нутгийнхаа хүйтэн бороонд ч дулаацна
Дулаацсан биеэс минь хийморь савсана
Савсан өнгөний нүцгэн мананд
Сая тэнцсэн унага Монголоо эрнэ ээ

Би ямар дэлхийн чинээ бодлоо гээд газрын дайтай наслах биш
Би ямар дээлтэй сахиус шиг явлаа гээд галын хэртэй дүрэлзэх биш дээ
Би ямар энэрлээ энэрлээ гээд энэ орчлонг уяхан болгох биш
Би ямар эргэлээ эргэлээ гээд ээжээсээ дахиад төрөх биш дээ
Би ямар үнэн худлын ард сүүлчийн цэгийг хатгах биш
Би ямар үүлтэй нартай хорвоод сүүдрээ гаталж чадах биш дээ

Гэхдээ би
Агтны мөртэй Монголдоо
Амгайн чимээ шиг ойрхон явах юмсан гэж боддог юмаа
Амьдрахын жамтай насандаа
Амьсгалын зайтай үнэн явах юмсан гэж хичээдэг юмаа
Эх орон минь ээ

Би
Би Монголоороо гоёдог
Монголоороо гоёдог...

Тодруулагчийг ашиглан хэрхэн үр дүнтэй хичээлээ унших вэ

2009-10-22T08:41:00.009+08:00

Саяханы нэг өдөр гэртээ орж ирэхэд хаалган доогуур гэсэн хавчуурга шургуулсан байлаа. Оюутнууд унших ном материалдаа дарагдсан өдөр хоногууд үргэлжилсээр байгаа энэ үед овоо хөөрхөн тустай юм тараажээ. Ингэж бичсэн байх юм:

Тодруулагчийг ашиглан хэрхэн үр дүнтэй хичээлээ унших вэ

Алхам 1
Номоо эсвэл өгүүллэгээ бүхэлд нь нэг гүйлгэж хараад, бүтэц болон дэвшүүлж буй санаа нь ямархуу юм байна гэдгийг мэдэрч авах

Алхам 2
Эхний болон сүүлийн догол мөрүүдийг анхааралтай уншаад, гол чухал санаануудыг нь базсан дүгнэлтийг олж авах

Алхам 3
"Дүгнэн хэлвэл," "Хамгийн гол нь" гэх мэт хэллэг үгүүд гарсан хэсгүүд чухал мэдээлэл агуулсан байдаг учир тогтож сайн унших

Алхам 4
Дүгнэлт хэсгийг түрүүлээд уншвал тухайн сэдэв юуны тухай вэ гэдэг ойлголтыг дороо авна

Алхам 5
Дараа өдөр нь тодруулж тэмдэглэсэн тэр хэсгээ дахин нэг гүйлгэн хараад, мөн 7 хоногийн дараа дахин нэг удаа харчихвал ой тоонд илүү сайн тогтож үлдэнэ.

Алхам 6
Энэ бол ур чадвар гэдгийг санаарай. Дадлагажиж, сурахад төвөгтэй мэт байвч тэвчээртэйгээр үргэлжлүүлсээр байгаарай. Дадлага бүхнийг төгс болгодог гэдэг шүү дээ.

Найз минь, наашаа суу

2009-10-13T23:52:00.007+08:00

Найз минь чи, салаа замын үзүүрт алийг нь сонгож цааш нааш явах вэ гэж
тээнэгэлзэн зогсоно уу?
Нарт орчлонд итгэлээ алдан гэлдрэн явж байгаа юм биш биз?
Залуу хүн танд, өнөөдөр, хоёрын хооронд гурвын дунд гацсан мэт
санагдаад байна уу?
Залж чиглүүлэх учиг зангилаас нь хаана тайлагдах юм бол гэж гайхшран бодон
сууна уу?

Хүсэл зорилгогүй бол хүлэг жолоогүй мэт
Хүлэг жолоогүй бол хүрэх газар үгүй шүү дээ
Хүрэх газар үгүй бол хөөрхийлөлтэй еэ би гэнэ ш дээ өөрийгөө
Хөрст дэлхийд тэгээд хүн болж төрсний хэрэг юун билээ гэх вий дээ.

Олон залуучууд маань сайхан хүсэл мөрөөдлийг тээн амьдардаг. Яах гэж? Амьдралын амт, эрх чөлөөг мэдрэе гэж тэгдэг биз ээ. Би ч мөн адил. Харин хоосон мөрөөдсөөр байх уу, эсвэл өөрсдийн гараар бүтээх үү? Хэдий ардчилал, эрх чөлөө эх оронд маань 90 оноос хойш ирсэн гэх ч, энэ бол нийгмийн эрх чөлөө. Харин хувийн амьдралдаа жинхэнэ эрх чөлөөг бид өөрсдөө л бий болгоно, тийм үү? Хэдий болтол хэдүүлээ хариуцлагаас зугтаан, хүсэл мөрөөдөлдөө хүрэхээ хойшлуулсаар байх вэ?
Нэгэн алдарт хүн жинхэнэ эрх чөлөөний нууц нь хариуцлага, түүнд хүрэх шийдвэр гэж хэлсэн байдаг. Нээрээ л тийм. Бидэнд аз жаргал, эрх чөлөөг утгаар нь мэдрүүлэх тэр амьдрал тэмүүлэлд хүрэхийн тулд бид заавал хариуцлага гэсэн юмтай тулгарна, түүнд шийдвэртэй, тэвчээртэй хандахад суралцмаар. Хэцүү шийдвэрүүд, ганцаардал дагуулсан шийдвэрүүд, таатай бус шийдвэрүүд, үйл ойлголцлыг бий болгосон шийдвэр, урам зоригтой шийдвэрүүд...

Түүхэн агуу хүмүүсийн амьдрал замналыг харахаар тэд дандаа л сонин сонин шийдвэр гаргаж, алдаж оносоор амьдралаа баян бас утга учиртай болгосон байдаг юм шиг.

Найз минь чи, салаа замын үзүүрт алийг нь сонгож нааш цааш явах вэ гэж
тээнэгэлзэн зогсоно уу?
Нарт орчлонд итгэлээ алдан гэлдрэн явж байгаа юм биш биз?
Үгүй байлгүй дээ, миний найз, түр зуурын л зогсолт байсан биз
Үймэрч гунихраад яахав, одоо боль, орчлонг хар.

Сайхан мөрөөдөж, салхийг сөрөн хамтдаа урагшилцгая
Саруул ухаан, оюун бодлуудаа мэргэн байлгацгаая
Эрх чөлөөт амьдралынхаа төлөө хариуцлагыг урьцгаая
Эрсдлээс айлгүй шийдвэртэй бас шийдэлтэй амьдарцгаая
Андууд минь

Эх Орон минь

2009-10-10T09:24:00.005+08:00

Ухаарахдаа даруусдаг хүний орчлонд
Уйлж би сэтгэлдээ уужирдгиймаа.
Айлын ах эгч нарыг аав ижий шигээ л гээд
Аялж би Монгол дуундаа уярдгиймаа...

Хүний нутагт эрдмийг сурахаар ирсэн ч
Хөх тэнгэрт Монгол нутаг минь гээд
Хэдэн мянган бээрийн тэртээх улсдаа
Хэнэн тэнүүчилсэн бодлоо би яалтай...

Эх орны минь салхийг тээн ирж буй
Эгэл гийчний айлчилна гэх сургаар
Энгүй их догдолж, эргэж тойрон уулзчаад
Эргээд буцахад нь хамт явчмаар болхиймдаа...

Ай хөөрхий, энэ бэтгэрч гунисан зүрх
Амь ордгиймаа зөвхөн Монголдоо л байхад
Ухаант ардынхаа уужуу ухаан, даруу амьдралыг
Уйтай намрын энэ өдөр илүү их санахын учир юу вэ..
.

Сонин юутай?

2009-09-25T11:39:00.009+08:00

Оройн 11 болох гэж байна. Түрүүхэн хичээлээсээ орж ирчээд yahoo msgr-ээр дэлхийн нөгөө хэсэгт ч зүрхэнд минь хамгаас ойр нандигнагдан байдаг эх оронд байгаа найз нөхдүүдтэйгээ хэсэг чатлалаа. Дэнвэрт ирээд сар гаран болжээ. Ирсэн өдрийн маргаашнаас л хичээлдээ орж, буцаад оюутны ширээндээ суулаа. Гоё байна дахин сураад- сурч буй зорилго минь эрхэм бас тодорхой учир. Монголын боловсролын системийг би бүхлээр нь өөрчилж чадахгүй ч зааж байгаа ангидаа, оюутнууддаа дэвшилт, өөрчлөлт, чанарыг энд сурсныхаа ачаар авчирна гэж найдан мөн ч их эрмэлзэл, зүтгэлтэйгээр сурч байна даа хэхэ. Хааяадаа оюутнуудаас маань имэйл ирэхээр аймар баярлана, санажийнаа.

Сурч буй сургуулийн минь нэр Колорадогийн Их Сургууийн Боловсролын Сургууль. Оюуутны байр маань сургуулиас 5 мин алхаал орно, яг хотынхоо төвдөө. 1ээс 17 давхар нь зочид буудал, 18аас 30 нь оюуутны байр, сонирхолтой байгааздээ кк. 2 roommate-тэй, нэг нь Калифорноос ирсэн, нөгөө нь НьЮ-Йоркых.

Дэнвэр хот Монголчууд ирсэн анхны хот гэдэг юм байна лээ. УБ, Дэнвэр хотууд 2002 онд эгч дүүс хот болсон. Эндээс дэлгэрэнгүй мэдээлэл авч болно. http://www.denversistercities.org/ulaanbaatar.php

Нэг сайхан мэдээ бол Дэнвэрийн Байгаль, Шинжлэх Ухааны Музейд Чингис Хааны тухай үзэсгэлэн хагас жилийн турш тавигдах гэж байна. http://www.dmns.org/main/en/General/Exhibitions/UpcomingExhibitions/ Бүүр гоё мэдээ нь гэвэл би энэ музейд сайн дурын ажилтан хийх завшаан олдсон хэрэг. Монголын түүхээ улам сайн мэдэж, гадны хүмүүст бахархан танилцуулж хөтөч хийнэ гэдэг миний хувьд үнэхээр нэр төрийн хэрэг.

Өнгөрсөн долоо хоног Seattle хот руу 6 хоног яваад ирлээ. Бага ангийн хүүхэд, хуучны танилуудтайгаа уулзаж, олон цоглог залуустай хамт сайхан цагийг өнгөрөөлөө. Хэдэн жилийн өмнө Sleepless in Seattle гэдэг кино үзчээд энэ хот руу очиж үзэх юмсан гэж мөрөөддөг байлаа. Love Happens гэдэг дөнгөж саяхан театруудаар гарч эхэлсэн кино ч тэнд хийгдсэн. Үнэхээр л сэтгэл булаам гоё хот байна лээ. Space Needle, First Starbucks Store, Ride the Ducks, Pike Street Public Market миний дурсамж болон үлдлээ.

10 сарын 16, 17-нд энд Монголын өдөрлөгүүд, Чингис Хааны Үзэсгэлэнгийн нээлтэд оролцохоор Монголоос, Америкийн өнцөг булан бүрээс хүмүүс ирэх гэж байгаа юм байна. Хэсэгхэн хугацаанд ч болов элэг нэгтнүүд, Монголын салхи тээн ирэх тэдэнтэй хамт байна гэж бодохоор сайхан байна. За за хичээлээ хийе даа

Ариусын шүлгээс...

2009-08-24T12:57:00.001+08:00

Шүлгэнд дуртай надад Ариус найз минь өөрийн шүлгийн цоморлигоосоо хэдийг нь бяцхан ном болгож дурсгасан юм. Бүх шүлэг нь үг хэлэхийн аргагүй гайхалтай, заримаас энд бичмээр санагдаад. Шүлгүүдээ заавал ном болгож гаргаарай, фэнээс чинь.

Хэн Нэгний Аз Жаргал Байхсан

Хээр талд өвс өвсөө үнсэхийг анирдан
Хэнийх ч биш ганцхан миний амрагаа тэврээд
Хивс олбогоор дүүрэн өрөөнд бус
Хээнцэрхэн цэцгүүд дунд жаргалтайхан суухсан

Хоржигнон урсах голын чимээг үл анзааран
Хоёр зүрхээ л сонсон чимээгүйхэн зогсохсон
Хонхон цэцгийг таслалгүй энхрийлж үнсээд
Хорвоод биднийг учруулсанд баярлалаа гэж шивнэхсэн

Хэн нэгний аз жаргал нь байхсан
Хэлтгий заяа гэж хичнээн ч удаан гуниглах вэ
Хэрэвзээ зөвийг бодож амьдарвал
Хэнийг ч алаг үздэггүй хайр шүү дээ

Залуу хархүүд

Даарч байна уу гэж түүнээс битгий асуу

Дахиад хэзээ уулзах вэ гэж түүнийг бүү сандарга

Дан цамц, туяахан бэлхүүсээр нь тэвэр

Дандаа хамт шүү гэж чихэнд нь шивнэ

Шивнэх үгсийн чинь дулаанд тэр даарахгүй

Шиврэх бороо ч түүнд хүйтэн санагдахгүй

Ширтэх харцнаас чинь гал олж харвал

Шинэхэн өглөө бүрийг чамтай угтаж чадна

Харин өчүүхэн ч гэсэн эргэлзээ чамайг эзэмдвэл

Харуй бүрийгээс өмнө гэрт нь хүргээд буцаарай

Хайртай гэдэг үгийг цухуйлгаад ч хэрэггүй

Хайлган сэтгэл нь хөрчихвөл буцаад өрдөхөд хэцүү

Хэзээ ч юм түүнтэй учрах хайрыг бүү сэвтээ

Хэрэггүй үгэнл булагдсан сэтгэл нь нээгдэхгүй

Хэний ч юм үнэнч сэтгэлд итгэхгүй

Хэнз цэцэг шиг болгоно түүнийг.

All copyrights to Arius

нууцхан гуниг

2009-08-04T16:34:00.002+08:00

Явмааргүй байна хайртай эх орноо орхиод
Холдмооргүй байна эрдэнэ мэт хүмүүсээ үлдээгээд
Гэхдээ та нартаа эргээд ирнээ охин нь
Гэрэлт тэр өдрийг тоолон хүлээх болно.

Shibuya

2009-07-19T19:12:00.000+08:00

ямар лаг эмх цэгцтэй юм бэ. удахгүй нүдээрээ харна аа :D

90 саяын Гансүхийн гайхамшигт гэрчлэл

2009-07-14T08:26:00.000+08:00

http://www.lwcc.mn/v3/index.php?songolt=content&task=content_item&id=555

I love Cafe Amsterdam

2009-06-24T23:14:00.003+08:00

Cultural Programme

Film night: "Amarbat's one day"

Нээх гоё өдөр байлаа. Их сургуулийн хоёр найзтайгаа боловсролын салбарт өөрсдийн ур ухаан, авьяас чадвар, залуу насаа хэрхэн зориулах вэ гэж сэтгэлээ догтолтол ярин, тэгээд дараа нь бас нэгэн мятрашгүй залуугийн тухай баримтат кино үзээд бөөн эрч хүч оргилцон суужииншд :D

Cafe Amsterdam-д орох дуртай. Лхагва гаригийн орой бүр тэд Соёлын Орой гэж хийдэг, заримдаа урлаг соёлын хөтөлбөр, заримдаа нэртэй хүмүүс ирж чөлөөт ярилцлага хийдийн.
Над шиг тамхины утаа, үнэрээс зугтаж явдаг хүнд энэ бол яг перфекто умбарто орчин.

Өнөөдрийн програмын тухай сайтаас нь энд шууд copy paste хийчлөө:

Resource from: http://www.amsterdam.mn/cultural-programme

Аmsterdam English - Cultural Programme

This Wednesday we have a wonderful film to show. Its a documentary that won an award from American film festival "Mountainfilm" in 2006. The film will start at 8pm.

Name of the film: Amarbat’s One Day

Catch a glimpse of one day in the life of Amarbat, a young Mongolian man whose legs were paralyzed as a child by a mistaken vaccination. In a country where life is not always easy, Amarbat's story is not one of a victim. He is an intelligent young man, who is an artist and an inventor and whose life changed completely in one day.

(Mongolia, 2006, 20 min)

In person:
Batbileg Zoljargal - Director and Photographer
Zoljargal Gombo - Producer
Oidov Vaaanchig - Translator
Amarbat Bold - "Star" of the film

http://www.amsterdam.mn/cultural-programme-аас авав.

2009-06-22T21:25:00.001+08:00

Сэмэрч л байг сэтгэл юм чинь
Шивэрч л байг бороо юм чинь...

Ийм байж болох уу даа???

чимгээгийн нэг өдөр ;)

2009-06-19T16:20:00.002+08:00

ямар аймар юм болох дөхсөн гээч өнөөдөр...
жолооны үнэмлэхээ авснаас хойш машин барьж байгаа 2 дахь тохиол өнөөдөр байлаа. Ээжийхээ машиныг бариад яг гэрээсээ гараад явж байсан чинь аймаааар үнэтэй Бензийг хага мөргөх шахлаа. Ээж хажууд хөөрхий зүрх нь дэлсээд, би бүүр сандраад. Бараг 1 мм зайнд тоормослосон байхаа. Гэхдээ тэгээд Luna Blanca хүртэл осол хийсэнгүй ээ ;)

Бодсон чинь энэ Luna Blanca-д яааааг 1 жилийн өмнө хуучин ажлынхаа хоёртой хоолонд орж байсан юм байна. Ямар сонин тохиол вэ гэж бодлоо. Сайн найз маань сургуульд тэнцсэн тэмдэглэе гээд намайг аймар гоё цагаан хоолон стейкээр дайлсан. Тэгээд мэдээж ногоон цайгаа уулаа.

Бас нэг юм гэвэл ойрын 2, 3 өдөр Обамагийн ерөнхийлөгчийн тангараг өргөх ёслолын тухай өдөр шөнөгүй энэ Их дэлгүүрийн том дэлгэцээр гаргаад бүр залхаж гүйцлээ, юм хийх гээл гал тогоондоо ком дээр суухаар сонсогдоод. Одоо болноо гэж хэлмээр байна kkkkа

Их сургууль амраад зуны амралт эхлээд сайхан байнаа; бүтэлгүй учралтай учирсан ч найз нь сэтгэлээр унахгүй ээ. Амьдрал өөрөө баян юм чинь тэ...

2009-06-18T18:14:00.002+08:00

хүлээсэн цаг хугацаа хийсэн өнгөрөхөд
хөөрхийлөлтэйгээр би хоцрон үлдэнэ
дэндүү их итгэсэн сэтгэл зүрх
дүүрэн шархтай уйлан хоцорно.
гэлээ ч амьдрал баян
гэрлээ тусгасаар
сайхан учрал, хүмүүстэй
санаанд оромгүйгээр огтолцох л болно

Obodiin avsan zurguud

2009-06-01T12:22:00.004+08:00

http://picasaweb.google.com/obod1130/5312009?authkey=Gv1sRgCK6ZmsSM9972Gg#

Тэмдэглэлийн дэвтэр дэх багын шүлгүүд

2009-05-23T21:38:00.004+08:00

Орцны дуунууд гэж байдаг - гэнэн бага насны дурсамж хайраар дүүрэн. Тэгвэл бас орцны шүлгүүд гэж байвал яах уу. Арван жилдээ цуглуулж, бас бичиж байсан хэдэн мөртүүдээ дэлгэмээр санагдлаа.

Халуухан гарыг нь нэгэнтээ атгавал
Хаа хэзээ ч санагдахын увдис
Хажууд нь зэрэгцээд хэдэнтээ азнавал
Харьсан хойноо ч хоргодох сэтгэл

Мөнгөн аяга шиг гарнаас чинь
Туулын усыг амсахсан
Мөнхийн усыг уусан юм шиг
Танхил чамтай амьдрахсан

Зүглэх ирээдүйд чамд хайрлагдаж
Зүүдэнд минь чи олонтаа орж
Сайхан харц чинь цээжинд гэрэлтэж
Эртнээс сонсогдсон гуниг
~~~~~~~~~~~~~~~~~~~~

Чи надад хайргүй бол
Чин үнэнээ хэлээрэй
Би чамд хэрэггүй бол
Битгий надаар тоглоорой
~~~~~~~~~~~~~~~~~~~~

Харц булаасан чиний нүд
Хайр татсан чиний инээд
Хамгаас дотно чиний төрх
Энэ бүхэнд чинь би.......
~~~~~~~~~~~~~~~~~~~

Хайрлана гэдэг амьдралын чимэг
Хардана гэдэг түүний дайсан.
~~~~~~~~~~~~~~~~~~~~

Хайрыг би өнгөөр ялгаж, мөнгөөр үнэлэхгүй
Хайрыг би сэтгэлээр ялгаж, итгэлээр үнэлнэ.
~~~~~~~~~~~~~~~~~~~~

Хонхон цэцгийг таславч
Үндэстэй бол ургана
Хоёр найз салавч
Үнэнч бол үерхэнэ.
~~~~~~~~~~~~~~~~~

Үгээр хэлж, үзгээр бичээгүй нууцаа
Өмнө чинь дэлгэе, Амур минь.
~~~~~~~~~~~~~~~~~~~~

Жирийн боловч нэгэн гол
Урсдаг газраа үзэсгэлэнтэй
Жирийн боловч нэгэн охин
Үерхдэг хөвгүүндээ үзэсгэлэнтэй
~~~~~~~~~~~~~~~~~~~~

Хэрэв чи нэгэн хөвгүүнд хайртай боловч
Хайртай гэдгээ бүү хэл
Харин тэр чинь ухаалаг бол
Харцнаас чинь хараад л мэднэ.
~~~~~~~~~~~~~~~~~~~~

cousins

2009-05-17T14:27:00.001+08:00

minii duu nar bujiglejiin

эсрэгцүүлэл

2009-05-11T07:56:00.002+08:00

Саяхан оюутнууддаа "Patriotism" буюу "Эх Оронч Үзэл" гэсэн сэдвээр эссэ бичүүлэх даалгавар өгсөн. Тэд өөрсдийн ертөнцөөрөө л бичиж байна лээ - хөөрхөн. Ажаад байхад эх оронч үзэл, үндсэрхэг үзлийг хүмүүс хооронд нь хольж солин ойлгож, хойрго ухаанаар асуудалд хандах нь элбэг байдаг юм шиг санагддаг. Харин өнөөдөр би интернетээс энэ талаархи нэгэн алдартны хэлсэн үгийг олж уншаад биширчлээ. Францын ерөнхийлөгч асан Франц Де Голь хэлэхдээ: "Өөрийн ард түмнээ гэсэн хайр эн тэргүүнд байвал тэр нь Эх оронч үзэл /patriotism/, харин өөр улс үндэстнийг үзэн ядах хандлага бусдаас түрүүнд оволзон гарч ирдэг бол тэр нь үндсэрхэг үзэл болой /nationalism/." гэсэн байна.

2009-05-08T12:30:00.002+08:00

Тэд хашгирахыг хүссэн үедээ инээмсэглэдэг
Тэд уйлахыг хүссэн үедээ дуулдаг
Тэд аз жаргалтай байхдаа уйлдаг
Тэд бас бухимдсан үедээ инээдэг
Тэд итгэсэн зүйлийнхээ төлөө тэмцдэг
Тэд шударга ёсны төлөө босдог
Тэд бусдаас болзол шаардалгүй хайрладаг
Тэд үр хүүхэд нь амжилт гаргахад нулимс унагадаг
Тэд найзыгаа шагнуулахад хөөрч догдолдог
Тэд хүч чадал нь барагдлаа гэж бодох үедээ харин ч хүчирхэг болдог
Тэд бусдын шархалсан зүрх сэтгэлийг тэврэлт үнсэлт хоёр анагааж чаддаг гэдгийг мэддэг
Тэдний зүрх сэтгэл дэлхийг хөдөлгөдөг

нэр нь үл мэдэх зохиолчоос

2009-04-09T23:33:00.002+08:00

Хатмал цөлд явахад хар ус амттай
Харанхуй шөнийн дунд өнчин зул гэрэлтэй
Жаргал ховор цагт жаргалын бага нь амттай
Хэт элбэг зовлон дунд хэсэгхэн зовлон ч амттай

Хар Шоколадны Дууль

2009-03-27T11:39:00.002+08:00

Нью Йорк мужийн Cornell University-ийн эрдэмтэд алимны хальс нь хорт хавдрын эсрэг олон төрлийн бодис, шим тэжээл агуулсан байдаг гэж тогтоожээ.

Харин Чикаго хотоос холгүй байдаг Northwestern University-ийн эрдэмтэд оливийн тос нь хөхний хорт хавдраар өвчлөх магадлалыг бууруулаад зогсохгүй мөн энэ хавдартай тэмцэх эмчилгээ хийлгэж байгаа үедээ оливийн тосыг хоол хүнсэндээ хэрэглэж байвал эмчилгээний үр дүнд сайнаар нөлөөлдөг гэдгийг судлаад гаргаад ирж дээ.

Гайхал үнэрт сармис мэдээж ханиад томуунаас сэргийлэхээс гадна /Цэргийн Сургуулийнхан кинон дээр салаагаараа сармис иддэг хэсэг хөөрхөн шүү/ цусны урсгалыг эрчимжүүлж, зүрхний шигдээстэй болох магадлалыг эрс бууруулдаг гэдгийг судалж гаргасан байна.

Калифорни мужийн UCLA (University of California, Los Angeles)-ийн судлаачид брокколи буюу цэцэгт байцаа хэрэглэж заншвал дархлаажуулалтын системийг нэмэгдүүлж, цагийн эрхээр бид насжихад маш сайн найз болдог гэсээн.

Хамгийн ГОЁ мэдээ харин юу вэ гэвэл, тус мужийн өөр нэг сургууль болох Tulane University- докторын оюутнууд какаоных нь хувь хэмжээ их орсон ХАР ШОКОЛАД нь флоридтой ооноос илүүтэйгээр шүдийг хамгаалж чаддаг гэж судалгаагаар баталжээ. Тэгвэл шүдээ угаахгүй хар шоколад идээл унтаад байвал яах бол, kkkk.

Бонус: Миний муу нэг найз охин онигоонд орж билээ, би ч орсийн болуу мэдкү. Саяхан амралтаараа АНУ явахдаа найзаасаа юу захимаар байна гэсэн чинь Хар Шоколад, болж өгвөл 100% жинхэнэ цэвэр шоколад гэлээ. Очоод тийм шоколад авах гээд нилээн хайсан ч дээд тал нь 85% л байлаа. Бүүр сүүлдээ арга тасраад тэндхийн найзаасаа тийм шоколад хаанаас олохуу гэсэн чинь "whahaha, тийм шоколад гэж хаана байдийн, тийм өндөр процентэд дуртай юм бол савтай какао аваачаад өгчихгүй юу тэр л 100% байна, whahaha" гэсиймдаа.

Бавуугийн Лхагвасүрэн. Хайрын Мадригал

2009-03-24T22:05:00.006+08:00

Би ганцхан чам руу татсан шулуун чавхдас
Чи ганцхан над руу татсан шулуун чавхдас
Намайг чамайг атгасан
Үй түмэн галт хараацай
Судасны минь доргионд үсчинэ.
Газар тэнгэрийн оньсого таалцана.
Намайг чамайг мөргөсөн
Үүл тэнгэрийн навчис
Зүрхний минь илдэнд сэмэрнэ.
Зүүд эгээрлийн хязгааргүйд хийснэ.
Чам руу татсан шулуун чавхдас гэмээнэ би
Над руу татсан шулуун чавхдас гэмээнэ чи
Чамдаа хазайн үгүй хүрч
Наддаа хазайн үгүй ирж
Би цэнхэр өнгөтэй
Чи цагаан өнгөтэй
Хос шулуун болно
Хүслээ элдэн одно.
Хуурын чавхдас мэт бидэн хоёр дээр
АМЬДРАЛ
Тэнгэрийн заадас шиг эрмэг хөвчөөр
ТУУЛЬС хайлна.
Үүлтэй тэнгэр, газарт орон зайгаа булаалгаж
Үхэхийн цаг ирэхэд
Бидэн хоёр
Бие биедээ шингэн огтолцоно.

Гэрэлт найзууд

2008-12-27T11:08:00.003+08:00

сайхан анд нөхөдтэй байхын аз жаргалыг мэдээгүй явсаар хатууран гандсан энэ зүрхийг блогчин хэдэн найзууд минь дэвтээж өгч байнаа. Ийм сайхан анд найзууд би өөрөө ч дотроо хайгаад байснаа мэдээгүй явсан мэт. Та нарын хүн нэг бүрээр би бахархдаг, хайрладаг, хараад баясдаг, хамтдаа байхдаа жаргалтай байдаг.

Хажууд минь тамхи татахгүй хичээж байгаа та нарыгаа хараад
Ханиад хүрээд гэртээ миарчаахад аньс чацаргана бариад ирдэг
Хэлсэндээ хүрдэг жинхэнэ эр хүмүүс та нар минь
Хээнцэр биш ч сэтгэл сайтай үзэсгэлэнт охид та нар минь.

"Гэрэлт найзууд" бидний дундаа зохиож байгаа Монита тоглоом гайхалтай гэхээс өөр хэлэх үг алга. 8 охин, 8 залуу. Бие биенээ баярлуулж, аз жаргал мэдэрч байна бүгдээрээ. Энэ л Merry Christmas баярын утга учирын нэг хэсэг. Бүгдээрээ 1 сарын 3 хүртэл улам их энэ аз жаргалыг бусаддаа түгээе, ГЭРЭЛТ НАЙЗУУД минь.

Дүүтэйгээ чатлаад...

2008-11-23T22:14:00.004+08:00

Ойрдоо гэр бүлийн байдал нэг тиймэрхүү. Тэгээд өнөө орой дүүтэйгээ мэссэнжрээр чаталж байсан чинь "Та хүүхэд гаргавал аав ээж хоёрын нар нь гарч, гоё болох байх даа" гэж хэллэээ. Дүүгээсээ анх удаа л ийм юм сонслоо. "Эгч нь хүүхэдтэй болмоор л байна, гэхдээ эхлээд сайн хүнтэй суух хэрэгтэй шдээ" гэлээ. Насан туршдаа хамт амьдрах учраас ухаалаг сонголт хийх нь чухал гээд энэ мөчийг далимдуулаад дүүдээ жоохон сургаал айлдав. "Миний дүү эр хүнээс 3 шинжийг л хамгийн сайн хараарай. Гэр бүлийн суурь хүмүүжил, хүнлэг зөөлөн сэтгэл, даруу байдал энэ 3 хамгийн чухал шүү. Бусад зүйлс аяндаа болноо." Монголд маань байгаа өнөөгийн нийгмээс болоод ч тэр үү, энэ гурван зан чанарыг агуулсан охид, залуус ховор болсон мэт. Гэхдээ нэгэн сайхан өдөр тийм нэгэн залуутай учраад, аав ээжийнхээ нарыг гаргаж, бүлтгэр дүүгээ баярлуулсан хөөрхөн хүүхдүүдтэй болноо. Let it be.

11 сарын 11ний өдрийн 11 цаг 11 минут

2008-11-11T22:40:00.002+08:00

11 цаг 30 минутын үед ажлын маань 2 гадаад "Өө яанаа, Дэлхийн I дайн дууссаныг дурсан санах мөчийг алдчихсан байна шд" гэж хоорондоо ярьж, надад бас учрыг нь тайлбарлав. 1918 онын 11 сарын 11ний өдрийн 11 цагт Дэлхийн I дайн Герман гарын үсэг зурснаар төгсгөл болжээ. Тэр үеэс хойш жил бүрийн 11 сарын 11ний өдрийн 11 цаг 11 минутад Британийн Хамтын Нийгэмлэгийн Орнууд болон Америк, Франц, Герман улсууд энэ дайнд амь үрэгдсэн цэрэг дайчдыг санан дурсаж, хүндэтгэл үзүүлэн чимээгүй зогсдог гэнээ. Канадаас ирсэн ажилтан маань "Манай улсад энэ өдөр амардаг" гэжийнэ, харин Австралиас ирсэн нөгөө ажилтан маань "Манайх амардаггүй мөө. Гэхдээ манай ээж энэ өдөр байлдаж явсан аавыгаа дурсаад уйлаад байдаг юм" гэж хэлж билээ. Дайн дажны хар сүүдэр эх дэлхийд маань дахин бүү ирээсэй.

Сэтгэл дотор

2008-11-09T01:28:00.003+08:00

Унтья гээд нилээн хэвтсэн боловч олон юм бодогдоод унтаж болохгүй бослоо. Босоод бодлоо буулгамаар санагдаад. Энэ долоо хоногт олон юм үзэх шиг. Эрээнтэй бараантай, эзгзэгтэй, ээдрээтэй, бас аз жаргалтай мөчүүдээр дүүрэн. Хүн үргэлж ийм аймар нэмэх, хасахын туйл нь дээд цэгтээ хүрээд яваад байвал яаанаа. Зүрх тэсэхгүй байх даа. Юу болсноо бичье гэтэл бас эвлүүлэн хэлж чадахгүй нь. Ямартаа ч амьдралын ухаан гэж бидний ярьдгаар амьдралдаа ухааныг нэмсээн. Амьдрах сайхаан, алдаж оносон ч түшээд босгодог заяа бий. Гэгээн Алсад Одох юмсан гэдэг аялгууны энэ нэрийг нь мэддэггүй байхдаа Амьдрал гэж нэр өгч байсан. Энэ аялгууг өдөржин сонссон ч уйдахгүй, харин уйлахдаа уйлж, гүн бодолд автахдаа автаж яг л миний амьдралын зураглал жирэлзэн харагдах шиг. Ойрдоо шүлэг, найраглалд бас их дуртай болж байнаа. Монгол хүний сайхан сэтгэл, нуугдмал ичингүй байдал, гал мэт дүрэлзсэн сэтгэлээ дарж чаддаг хатаа шүлэг найраглалаараа харин ч нэг сайн гаргах юм.

Чойном: Үг
Хэн хүнтэй үг ярина гэдэг
Хэрэг дээрээ тулалдаан юм.
Халуун хүйтэн ямар ч зэвсгээс
Хатуу зөөлөн үг хүчтэй.

Үгээр хүнийг захирч болно
Үхүүлж ч болно сэхээж ч болно.
Шалдлуулж, инээлгэж, уйлуулж болно.
Шархлуулж бас эдгээж болно.

Ярина гэдэг харин чанга дуугарахын нэр биш
Яруу уран илтгэхийн нэр биш
Гал шиг бадарч ус шиг урсгахын нэр биш
Гагцхүү зөв сэтгэж, зөв дуугарахын нэр.

Эсрэг талаа судлалгүйгээр
Эхэлж тулаанд ордоггүйн адил
Ярьж байгаа хүнээ мэдэлгүйгээр
Ямар үг түүнд тохируулах вэ.

Арслан заан шиг лут этгээдийг
Ангийн калибр шиг үгээр загатнуулах ч үгүй.
Танк эсэргүүцэх буу шиг хүчит үгээр бөмбөгдвөл
Тарвага шиг хүнээс юу нь үлдэх вэ.

Эхээс төрөхийн цорын ганцхан
Эвхмэл хутга шиг яриатай хүнийг
Дамаскийн илд шиг сүрт үгээр
Далайсны гарз шүү дээ.

Байлдааны хуягт шиг хүний урьдаас
Банз мод шиг үг хэлэх
Барын урдаас
Балиус барьсантай ижил.

Талархсан сэтгэл

2008-09-08T20:37:00.003+08:00

Найз нартаа баярлалаа. Надад урам өгч, дэмжиж, утасдаж, уулзсан бүх найз нартаа баярлалаа. Энэ блогтоо ч баярлалаа :) Ганцаардсан өдрүүд тэмдэглэлийг уншсан найз нар маань надад санаа зовсон байдалтай холбоо барьжийн. Ингэнэ гэж бодоогүй ч одоо сэтгэл минь сайхан байнаа. Би л өөрөө ганцаардлыг, гомдлыг бий болгоод байж дээ.
Бурхан хүнд амийг өгч
Хүн хүндээ амьдрал өгдөг
гэж нэг хүн хэлсэн байдаг. Үнэн.
Сэтгэл минь сайхан байна, зүрх минь догдолж байна.
Мөрөөдлүүд ундарч байна. Бусдыг хайрлая, туслая гэж бодохоор л цаанаасаа л
амьдралд утга учир дахин ирэх шиг :D

Ганцаардсан өдрүүд

2008-09-04T19:16:00.004+08:00

Энэ блогоо гомдтол нь юм бичсэнгүй дээ. Дүүгээ Бээжин рүү сургуульд хүргэж өгөх гээд арав хоног яваад, тэгээд ирсэн чинь ажил минь овоорчиж, бас сэрүүсчиж. Тэгээд нэг л ганцаардсан, гунигтай ч юм шиг өдрүүд өнгөрөөд л. Олимпийн үеэр Бээжинд ч гоё байна лээ. Энд тэндгүй л олимпийн тамирчид яваад л. Бадар-Ууган хожиход бахархаж байлаа. Тэнд байх үеэрээ хог харсангүй газарт нь, согтуу хүн, эсвэл нүдээ нүүрээ цохиулсан хүн ганц ч харсангүй. Дулаахан, их л амар тайван газар юм. Гэхдээ юмны үнэ түрүү жилийнхтэй харьцуулбал хоёр дахин үнэтэй болцон ш юм шиг. Дүү минь хүний нутагт анх удаа удаан хугацаагаар эрдэм сурахаар одсон. Амьдрал үзэж, ухаан суугаад, эрдэмтэй болоод ирээсэй л гэж залбирья даа. Сайнтэй муутай олон л юм сонсогдох юм - Бээжинд сурч буй монгол оюутнуудын тухай. Аав, ээж, эгч ахан дүүс, цаашлаад эх орныхоо итгэлийг дааж амьдраарай, миний дүү!

Ганцаардал ярьж байсан байхаа. Ийм үед жинхэнэ найз гэж хэн юм бэ гэсэн асуулт л гарч ирээд байх шиг. Надад үнэхээр тийм найз байна уу? Би өөрөө хэн нэгний жинхэнэ найз нь үнэхээр байж чаджийнуу? гэж. Зөндөө олон найзтай юм шиг мөртлөө тэдний хэн нь ч одоо минийн энэ ганцаардсан сэтгэлийг мэдкү л байгаа. Тэгэхээр найзын талаар дахин бодож сууна. Хоёр талаас л энэ харилцааг тордохгүй бол яг л цэцэг услахгүй бол хатаж ганддаг шиг тэгж л байгаа юм шиг байна. Амьдралынхаа төгсгөл хүртэл хамт байх тэр найз/уудын төлөө...

Хамгийн яруу сонсголтой 4 мөрт (номноос)

2008-08-18T22:23:00.002+08:00

Thirty days has September
April, June and November
All the rest have thirty-one,
Excepting February alone,
And that has twenty-eight days clear
And twenty-nine in each leap year.

Power of Hug

2008-08-17T09:35:00.003+08:00

2007.5.21
I am now flying from US to Korean. Just finished watching a video named "Power of Hug." Hugging 5 times a day results in restoring broken relationships and firming of friendships.
There are 6 principles for hugging (Тэврэлтийн 6 дүрэм):
1. Look at each other in the eyes. (Бие биенийхээ нүд рүү хараарай.)
2. Hug deeply for 7 seconds. (7 секундын турш сайн тэврээрэй.)
3. Say inside in your heart "I love you," or "I like you." "Би танд хайртай" гэж чин сэтгэлээсээ дотроо бодоорой.
4. Imagine something nice about the person while you are hugging. (Тэвэрч байхдаа тухайн хүнийхээ талаар сайхан зүйл бодоорой.)
5. Whisper "I love you" into the ear. "Би танд хайртай" гэж шивнэн хэлээрэй.
6. Finish by looking each other in they eye. Тэгээд бие биенийхээ нүд рүү харж дуусгаарай.

Open your arms, give hugs (Гараа алдлан, тэврэлтийг бэлэглэ)
Hug creates miracles. (Тэр тэврэлт чинь гайхамшгийг бүтээнэ.)
Miracles for just about anyone. (Хэнтэй ч бай тэрхүү гайхамшгаа хуваалцаж болно.)

Хааяа нэг өнгөрсөндөө би юу хийж, бодож явж вэ гэдгээ дурсан санахаар тэмдэглэлийн дэвтрээ унших дуртай. Тэгсэн жил гаруйн өмнө зунь амралтаараа Монголдоо ирэх замдаа бичсэн Тэврэлтийн хүч чадлын тухай тэмдэглэлээсээ энд хуваалцахыг хүсээд. Тэр үед би тэр видеог үзэхдээ ямар ч байсан сэтгэл маш их хөдөлж, бүүр Монголоо, гэрийнхэн, найз нөхдөө санаад уйлж байснаа тодхон санаж байна. Буунгуутаа л энэ тэврэлтийг чинь үзүүлж өгнө дөө л гэж бодож байса. Яахав онгоцны буудал дээр хэрэгжүүлсэн л дээ. Гэхдээ л тэд маань жоохон ичсэн үү яасан реакц нь гайхсан байдалтай л байсан. Монголчууд маань бие биенээ тэврэх нь бүү хэл, хайртай байж хайртай ч гэдгээ нээх хэлдэггүй, хал нь гаднаа хайр нь дотроо хүмүүс. Хүмүүс сонин реакц өгөхөөр сонин л доо. Тэгээд онгоцны буудал дээр хэрэгжүүлээд л, дахиж Монголдоо тэгэх боломж олдоогүй юм байнаа бодоход. Гэхдээ хэлж бас тэвэрч байвал сайхан даа, амьдралын явцад эргэлзээ ч юмуу, үл ойлголцол гарахгүй гэх аргаагүй. Баруунд, АНУд сурч, амьтарсан оюутан залуус энэ талаар мэдэх л байх. Миний хувьд би эхэндээ нилээн л шоконд ордог байсан. Хүмүүс хайртай үгийг, сайхан гээчийн тэврэлтийг харамгүй өгнө. Эхэндээ дасахад хэцүү байсан ч сүүлдээ өөрөө дунд нь орцон явжаагаан. Охид нь хүртэл нэгнээ "my dear; babe" гэж хэлнэ шдээ. Хамт амьдарч байсан охидын маань нэг нь намайг тэж дууддаг байлаа. Мэдээж тэр хүн найз нөхөд, эгч дүүгийн хайрын агуулгаар л тэгж дууджаагаа л даа. Гэхдээ надад дуудах бүрт нь эвгүйцэх сэтгэл төрөөд тэсэхгүй, "Намайг зүгээр л Чимгээ эсвэл Найз минь гэж дуудаач" гэж хэлж билээ. Хөөрхий жоохон эмзэглэсэн байх л даа. Гэхдээ зүгээр ойлголцсон. Энэ зүгээр л бидний харилцаа, соёлын ялгаа. Ямартаа ч бид хайр, хүндлэл, сэтгэлийн мэдрэмжээ бие биендээ хүч, зориг, урам, батжуулалт болгон хааяа ч болов хэлж байвал илүүдэхгүй ээ.
Дээрхи видеон дээр хүмүүс тэвэрснээрээ яаж тайвширдаг, зүрх нь зогсч байгаа дөнгөж төрсөн ихрийг хооронд нь ойртуулсан чинь зүрх нь аяандаа хэвийн ажиллагаатай болон цохилж эхэлсэн, нэг солонгос гэр бүлийн хос тэврэлтийн үйл явцыг 1 сар хэрэгжүүлсний дараагаар буцаад гоё хосууд болсон тухай хүмүүсийн амьдралын түүхүүдээс гаргаж байсан. За өнөөдөр нэг сайхан үнэн сэтгэлээсээ 2 ч гэсэн хүнийг тэвэрье ээ.

Олимпоор амьсгалсан өдрүүд

2008-08-15T23:17:00.004+08:00

Өчигдөр Тэнгист орой кино үзээд алтан медальтныхаа тоглолтыг амьдаар нь шууд үзэж чадсангүй, харин гараад ирсэн чинь жинхэнэ celebration болж байдгийм даа. Энд тэндгүй уухайлсан, хашгирсан, толгой биеэ машиныхаа цонхоор гарган, монголын далбаагаа хийсгэсэн залуус шөнөжингөө л давхиж, хөөрцгөөлөө. Гэр маань яг төв зам дагууг хэлэх үү орой унтах гэж чихэндээ earplug хийж байж унтлаа. Маргааш өглөө нь ажилтай болохоор аргагүйн байдлаас унтахгүй бол, гэхдээ л гараад ард түмэнтэйгээ хашгичаад явмаар л санагдсан шүү.

Хүмүүс Бадар-Ууганы тоглолтыг дэлгэцээр бултаараа хамтран үзэж байгаа нь

Замын хөдөлгөөн ч бүүр сайхан зогссоон

За тоглолт дууслаа

Телевизээр ерөнхийлөгч, ерөнхий сайд, Элбэгдорж эд нар гар гараасаа барин Монголоо уухайлж, Түвшинбаярын амжилтанд үнэндээ баярлаж, сэтгэл нь хөөрсөн сайхан эв нэгдлийг харуулжийсан. Талбай бүүр пиг дүүрэн. Залуучууд шууд шампанск эд нар задалж ууж. УБт ерөнхийдөө шөнө бүр 50-60 гэмт хэрэг гардаг гэж сая цагдаагийн ахлагч хүн Цагийн Хүрдээр хэлжийн. Гэхдээ өчигдөр шөнө бол 41 л гарсан гэнээ. Болоо ш дээ ард түмэн минь. Бие биенээ дэмжиж, хүндлээд явбал энэ улам л буурна. Өглөө ажил дээрээ ирсэн чинь хүмүүс маань бөөн настрин, шууд л тэмдэглэцгээж эхэлдэг байнашд. Yahoo msgr-ээр хүртэл хагас цаг улс эх орноороо хагас ажиллана гэсэн уриалга дороо тарчлаа. Дэлхийн энд тэнд байгаа найз нөхөд минь улсын минь далбаа, төрийн дуулал олимпийн ордонд мандан эгшиглэхийг нулимс гарган үзэж суужээ бас. Тэд сэтгэгдлээ хуваалцлаа. Би ч бас тэгэх л байсаан. 205 улсын 18т Монгол маань явж байгаа хоншоортой Монгол оо. Ард түмэндээ баяр хөөр, бахархалыг авчирсан, нэгтгэсэн, Монголын тусгаар тогтнолыг Хятадад, дэлхийн тавцнаа тов тодорхой харуулан батлан далбаагаа мандуулсан тамирчиддаа баярлаж байнаа. Спорт эв нэгдлийг авчирдаг . . . гэж нилээн ортой юм.

Summer Days of UB

2008-08-14T12:11:00.001+08:00

experience

2008-08-11T23:17:00.000+08:00

Төрсөн охиноо багаас нь хүчиндэн хүчирхийлсэн хэрэг Монголд байдаг юм байна. Урьд нь сонсоод үгүй байлгүй дээ гэж бодож байснаас бодит тийм амьдралыг бие махбодиороо туулсан нэгэнтэй нь уулзаж ярилцаж байсангүй. Уулзаад амьдралыг нь сонсож суухдаа минийй сэтгэл урагдаж, зүрх зүсэгдэх шиг болсийм. Гэхдээ аав нь шийтгэлээ аван очих ёстой газраа очсоноор, тэдэнд бага ч гэсэн тайвшрал иржээ. Амьдралд өвдөг сөхөрсөн өдрүүд байсан ч одоо сөрөн алхаж байгаа тэр ээжийг харахдаа, гэм нүглийг үзэн ядавч, хайр өрөвдөл хамтдаа буцалж байлаа. Хотын бүүр холын холоос пирожки хийгээд, автобусаар зөөж хотод авчран зарна. Өдөртөө хоёр эргэлт хийчдэг гэнэ. Тэр том хоолны савыг чинь бариад гурван хүүхдийнхээ төлөө зүтгэж яваа энэ ээж миний зүрхэнд ихийг бодогдуулсан юм. Яг өмнөх орой нь би Corporate гэдэг Баянгол зочид буудлын хажуудах газрын 11 давхарт нь их сургуулийнхаа 2 найзтай ярьж суусийм. Тэнд 2 цаг л суухад загварын үзүүлбэр, эсвэл миссүүдийн үзүүлбэр үзэж буй мэт л санагдсан шүү. 2 өөр ертөнц нэг хотод, 1 улсад. Corporateд уух ганц аяга цайны мөнгөтэй тэнцэх мөнгийг олохын тулд цаана чинь тэр ээж өглөө эртлэн босч, үдээс өмнөжин хуушуур хийх бэлтгэлээ хийн, тэгээд хайрч, тэрийгээ автусаар цаг гаран барьж яван зах дээр очиж заран, тэгээд хуушуурынхаа материалны хүнсээ захаас авч, гэртээ ирэн дахин хуушуур ирж процесс 2 дахиа давтагдана. Corporate-д нэг аяга цай 1800 байна. Тэгээд тэнд байгаа сая төгрөгийн хувцас өмссөн залуучууд охидууд бол цай гэхгүй, тэрнээс 10 дахин үнэтэй л юмнууд авч ууж, татаж, идэж байгаа харагдана. Ай Монгол аймар баян, бас зүрх зүсмээр. Мэдэхгүй ээ, надад 2 өөр ертөнц хэдхэн цагийн хооронд нь харцан болохоор, толгойд нь эргэлдэж буй энэ эмх замбараагүй бодлоо буулган сууна. Хэнийг ч буруутгахыг үл хүснэ, харин эх орноо, ард түмнээ хайрлан амьдрахсан.

Гурван найм, Олимп

2008-08-09T00:48:00.003+08:00

Хэдэн ч удаа мессенжрээр өнөөдөр гурван найм давхацсан ёстой лаг өдөр гэж ирэв ээ. Ажлынхан маань Олимпын нээлт хийе гэж ажлаа тараад тэмдэглэж жоохон суулаа. Тэгээд Тансагтай Irishт Олимпын нээлтийг хамт үзэнгээ зөндөө юм ярьж суугаад, манайд ирж үргэлжлүүллээ. Ингэсгээд унтъя даа, өчигдөр бас Байгалаагийн төрсөн өдрийг хийгээд 2т унтсийн байнашд.

Nothing is Gonna Change My Love For You

2008-08-07T16:59:00.002+08:00

Цайны цагаараа гэртээ очоод нэг найзынхаа блогийг уншжийсан чинь харин энэ гоё дууг блог дээрээ тавьчиж. Энэ дуунд дуртай бүх хүмүүстээ зориулж бас энд тавьжийнаа. Хайртай учирвал яг л ингэж дуулж, хайрлаж, харуулж амьдрахсан. Хайрыг минь юу ч өөрчилж чадахгүй ээ . . . гэж

2008-08-06T22:49:00.000+08:00

Энэ блогоороо найз нөхөдтэйгээ холбоотой байж, өөрийн бодол санаа, амьдралаасаа хуваалцана гэж найдаж нээчлээ। Бас мэдээж олон ч шинэ найз нөхөдтэй болох биз дээ। Ямартаа ч одоо тууштай байхыг бодноо। Урьд нь англи дээр нэг эхлүүлээд орхисон, одоо тэгэхгүй л байхиймсан। Өнөөдөр их гоё өдөр байлаа। Ээжтэйгээ хоёр ч удаа тааралдаж, хамт өдөр хоол идэж, орой нь ажил тараад бас санамсаргүй Выставкад таардаг байна шд। Нэг хотод байж л ховор уулзалдах юм даа। Тэгээд шуудангаа шалгасан чинь АНУаас нэг найз маань сагсан бөмбөг, Израилийн Сөнөсөн Тэнгисийн шавар, саван тос эд нар, бас कद ном явуулжээ। Зөндөө их баярлалаа। Халуун ч гэсэн хайртай ээжтэйгээ уулзаж, бэлэг авч, блог нээсэн гоё л өдөр болчлоо।