Нэг өгүүллэг уншаад их таалагдлаа. Хүмүүс амьдралд тохиолдож байгаа үйл явдлуудаас дүгнэлт хийхийг урьтал болгох хандлагатай байдаг гэнэ ээ. Гэтэл тэр тохиолдож буй үйл явдлууд сайн үр дагавартай юм уу, муу үр дагавартай юмуу гэдгийг яг тухайн үед хэлэх боломжгүй. Учир нь энэ бол 'амьдрал' хэмээх агуу том ботийн зөвхөн нэг л хуудас нь. Нэгхэн хуудас уншаад тухайн ном цаашид хэрхэн өрнөхийг, төгсөхийг дүгнэж болдоггүй шиг л..
Семестер дуусах гээд ойрд хичээл ихтэй байгаа ч, энэ үеийн хуудсууд маань ирээдүйн бүлгүүдэд нилээн ач холбогдол авч ирэх байх хэмээн найдан, шамдан сурсаар л байна. МУИС-т оюутан байсан үе минь санагдаж байна.. хичээлийнхээ хажуугаар карманы хэдэн мөнгө олох гэж сонинд зар өгөн бичгийн орчуулга хийн шөнөжин суудаг байж билээ. Намуухан аяз, өтгөн байхууг ханиа болгочоод л - ядарна гэдгийг ч тоож, мэдрэхгүй - гоё үе шүү.
Бүүр урд үеийн түүхийг сөхвөл, 10 жилд байхад хичээл тараад шууд харина гэж байдаггүй байж билээ. Өглөө 8аас ороод 12:25д тардаг байлуу.. Тарангуут багш компьютерийнхээ лаборатори луу бүгдийг нь оруулаад баахан бодлого өгөөд 6 хүртэл суулгачихдаг байлаа. Тооны гүнзгий анги байсан болохоор, өдөржин шөнөжин тоо бодоод л, тоогоор амьсгалсан он жилүүд байлаа. Гэрийн даалгавар гээд л бараг өдөр бүр 100 бодлого өгдөг байсан шиг санагдана. Заримдаа жоохон хүүхдүүдэд ахадсан мэт ачаалалтай байсан ч, бидэнд маш их тэсвэр хатуужил олгосон юм даа, багш минь, цаагуураа.
Багадаа олсон тэр чанар, оюутан байхад ашиг тусаа их өгсөн.. Хэдий яг тухайн үеүдийн хуудсууд ядралт, нойр хүрэлт, сульдалт, уйтгартай ч юм шиг түүх зөндөөтэй байсан ч, хойших бүлгүүддээ улам л баян өрнөлүүдийг өгч байсан юм байна аа.
Яг одоо унтах ч эрхгүй суугаа би өөрийгөө энэ бүх түүхээр зоригжуулан сууна. Улам л сайхан ирээдүй урд минь байна. Хэдхэн өдрийн нойр юу байх вэ, тэ.. тэглээ ч энэ долоо хоног дуусаад ангиараа долоо хоног field trip хийж, сайхан амрах болохоор..
шинэ уриа: хуудас, хуудсаар..
8 comments:
ухаалаг шүү чи минь. чиний бичсэнийг уншиад урам зориг орж байна. семистрээ амжилттай хаагаад сайхан амраарай :)
dursamjtai bodrol boljee.
hamgiin turuund bichih gesen 3 min hotsorchloo.
field trip-e huvaaltsaarai :)
bt
@arius, bayarlalaa, minii naiz. hamtdaa ene saihan horvoog tuulna aa.. unaj bosood l, hehe.
@bt, neeree tegnee :) bayarlalaa
hi again,
Khlong Luang Pathumthani gej haahna baidag gazar ve medeh u?
bt
"Хамтдаа энэ сайхан хорвоог туулнаа."
Ямар гоё үг вэ?
@bt, sain medkum bn aa.
@jintana, tiim ee; hamtdaa baijiij amidral utga uchirtai, te
Uhaalag saihan busgui gej boddog shuu. Sain suraad ireerei ! Uuliig ogsoj yavhad hetsuu met bolovch oroi deer ni garaad harhad yamar saihan baidag bilee dee..... gej bodool ih ajiil ard gardag shuu. Amjilt husye! Saihan hairtaiga uchraagui l yavna. uchrahaaraa helne gej bi comment uldeej baisiin, hehe Good luck!
Ih ajliin ard gardag baisiin geh geed l
Post a Comment