Saturday, November 3, 2012

Өвөл дөхөж байна даа.. цаанаа нэг л гунигтай мөртлөө, сэтгэл дулаахан юм уу даа.. учир нь надад одоо томоос том гэр бүл байгаа.. ууланд хамт алхдаг гэр бүл.. өвлийг бүгдээрээ хамтдаа инээж бүлээцүүлж угтаж, туулж, бас үднэ ээ.

Saturday, June 16, 2012

Улиасны хайр
















Улиасны хөвөн мянган тийш нисч байна
Угтаа хадгалсан хайр минь ганцхан чам руу нисч байна
Гэхдээ хөвөн нэг газарт бөөгнөрдөг шиг
Гэгээн хайр минь бүгд чинийх шүү



Wednesday, May 23, 2012

Хүн амьдралдаа ингэхгүй.. тэгэхгүй яав аа гээд харамсаад л явдаг үе зөндөө байдаг байх.. тийм үеүдэд нэг л гунигтай ч юм шиг.. шаналалтай.. надад тийм үе мэр сэр байсаан.. харамсаж байгаа зүйл байна уу гэж өөрөөсөө би асуун хэд хонолоо.. алга аа.. хүсч байсан бүх л зүйл минь биелсэн мэт.. нууцхан хүндэлж, хайрлаж байсан хүмүүстэйгээ ч учирсан болохоор одоо надад үнэхээр энэ мөчийг хүртэл тэгэх л байсан юм гэсэн харамсал алга байна.... би аз жаргалтай байна аа.. амьдрал сайхан учралуудаар зөндөө байна шүү дээ.. хүний сэтгэл ээ гэж.. тэгэхээр.. өчнөөн сар жилээр мөрөөдөж байсан хүнээ нэг хараад ч юмуу уулзаад тэгээд л тайтгарчих юм даа.. би жоохон охин хэвээр байна даа...................................................................................................................................................................................................................................................................................................................................................................................................................................................................................................................................................................

Tuesday, May 22, 2012

Хэвээрээ

Чи надад нэг л дотно мэт
Чин сэтгэл холбогдох ёстой байсан мэт
Магад хамт зурагдсан заяатай ч
Манант хорвоод чи минь замхарсан

Яагаад миний хайр хэзээ ч бүтдэггүй юм бол оо
Яараад учралууд минь нисэн одох юм
Энэ сэтгэлд гэтэл дүр чинь хэвээр
Эгэл  би эндээ хэвээр


Tuesday, May 15, 2012

Далд утга

Ажлын маань эгч энэ гайдыг бидэнтэй хуваалцсан юм. Уншаад үнэндээ итгээгүй болохоор, хамт ажилладаг Англи залуугаас та нар нээрээ ингэж цаагуур утгаар илэрхийлдиймуу гэсэн чинь 100% тийм гэсэн... би бараг ө боже мой.. арай ч дээ гэж бодсон ч үүнийг мэдэлгүйгээр үл ойшоогоод явж болохгүй юм байна аа гэж бодсондоо хүмүүст бас share-лэж байна аа... англи, европчуудтай ажил төрлөөр харьцдаг хүмүүс байвал бас уншаад авна биз ээ..

Wednesday, May 2, 2012

амьдрах сайхан

Яг одоо гадаа зуны орой шиг дув дулаахан, салхигүй намуухан орой байна.. хэсэг сая балкон дээрээ гарч зогслоо.. хүүхдүүд шуугилдаад л, залуу аав ээж нар хүүхдүүдээ салхилуулаад л.. Монголын минь нэгэн сайхан үдэш өнгөрч байна аа.. Миний нэг мөрөөдөл байдаг юм.. нэг л сайхан өдөр би тэр аз жаргалтай хосуудын адил хайртай залуутайгаа алхалж, хөөрхөн хүүхдээ тоглуулаад л, өвөө эмээ болсон ч хамтдаа гадаанаа салхилаад л.. амьдрах сайхаан...

Monday, April 30, 2012

4 сар дуусахаас өмнө..

Хөндөж хэзээ энэ хуурыг эгшиглүүлэх юм бэ
Хайлуулж хэзээ энэ сэтгэлийг догдлоох юм бэ
Ханьсаж хэзээ бид хамтдаа дуу аялах юм бэ
Хажуугаар хэзээ зөрж өнгөрөхөө болих юм бэ

Өдөр хоногууд одсоор бид юу ч болоогүй юм шиг
Өөрсдөөсөө ч өөрсдийгөө нуун хуурсаар л явах шиг
Болих болоогүй юу гэж би асуумаар ч
Болзоот учралыг чинь дуугүйхэн хүлээсээр л..

Wednesday, March 28, 2012

3 дугаар сарын бодрол

Энэ сард Cafe Amsterdam-д хоёр кино үзлээ. Өнгөрсөн 3 дахьд "Made in Dagenham", харин өнөөдөр "Hugo". Хоёулаа л хүсэл зорилгодоо тууштай тэмцэж байхад үр дүн гарна аа гэдгийг л нээх гоё харуулж өгсөн. "Made in Dagenham" кинонд Фордын эмэгтэй ажилчид тэмцлийнхээ дүнд эрчүүдтэй адил цалин авдаг болж, "Hugo" киноны Нugo хэмээх хүүгийн тэсвэр, хөдөлмөрийн уярам үр дүнд хүрэхийг нь үзэн суухдаа олон юм эргэцүүлэн бодож байлаа..

Одоогоос хэдхэн жилийн л өмнө би ямар их хүсэл мөрөөдөл, тэсвэр хатуужилтай байсан юм бэ..одоо харин тэр бүхэн тэр хэмжээнээсээ тээр доор очсон шиг..

Thursday, February 9, 2012

дүүгээ санахдаа


Дүүтэй байна гэдэг, тэр тусмаа охин дүүтэй байна гэдэг хүнд хайрыг, хүнлэг хайрыг зааж өгдөгюм уу даа..  би нэг хөөрхөөн дүүтэй.. хэдий дүү маань 24тэй ч надад тэр л багын туулайн 
бүжин шиг багын төрхөөрөө, зангаараа юм шиг л санагдана, дандаа..

Амьдралын нугачаан дахь бүхий л баяр хөөр, зовлон гунигийг хамтдаа туулсаар ирсэн дүүдээ би дэндүү их хайртай.. өөрийн гэсэн хүүхэдгүй ч, дүү минь миний хүүхэд шиг л санагдана..

Цэцэрлэгт дүүгээ хөтлөөд хамт явдаг байлаа.. орой нь дүүгээ жигтэйхэн санаж бэтгэрсэн юм уулздаг байж дээ..

Жоохон томрохоор нь хэн нь хоол хийх үү, гэр цэвэрлэх үү, аяга таваг угаах уу гээд хөзөрдөөл, шагайдаал.. 2уулхнаа ч хэзээ ч уйддаггүй байсан..


7 дугаар ангидаа анх удаа тамхи татаж үзэж байгаад, дүүдээ баригдахад: "Та ямар муухай юм хийдэг юм бэ.... би хэзээ ч тан шиг ингэж тамхи татахгүй.." гэж амьдралд бяцхан оюунаараа ам бардам андгайлж байсан байсан дүү минь одоо амьдралд ам гарч болдоггүй юм байна аа гэдгийг олон үйлдлээр туршаад, ухаараад л явж байгаа...

Өөрөөс минь дүү охидууд, дүүгээс минь өөрцгүй санагдана.. цаанаа л эгчийн хайр, халамж үзүүлмээр..

Дүү минь чи миний хамгийн сайн найз 
Нуух юм надад даанч алга байдаг чамаас
Далд үзэсгэлэн, өөг маань чи л бүгдийг мэддэг
Нулимстай өдрүүдийг минь хамт аргадсан ганцхан хүн

Дүүгээ бодохоор нулимс хааяадаа зүгээр л бөмбөрнө
Энэрэлт хорвоо зөөлөн хандаг ээ, чамд минь
Бусдыг хайрлах, өрөвдөх, энэрэх зан дадлыг заасан
Эрх танхил дүү минь жаргаж яваарай

 ..................................Хамгаас хайртай дүү Бүжиндээ зориулав.






 


Tuesday, January 3, 2012

2012 + UB Dance school + book club + hiking club

Шинэ оны эхний бичлэг... ай цаг хугацаа юутай хурдан, юутай их агуулгатай вэ, тэ..
Оныг хайртай хүмүүстэйгээ угтаад, маргааш нь Mongol Hiking Club-тайгаа Богд Ууландаа алхаж, амьд гацуур чимэглэж, тойрч дуулж бүжин үнэхээр тасархай оны эхний өдрийг өнгөрүүлсэн.

Харин өчигдөр 2012 оны ажлын анхны өдөр болж, дарга шуурхай хийгээд, бидэнд 2012 оны 3 зорилтыг танилцуулаад, төгсгөлд нь өөрийгөө хөгжүүлэх I-р улирлын төлөвлөгөө бич гээд.. Тэгээд би 4 төлөвлөгөө бичсэнээс сүүлийн хоёр нь их таалагдаж байгаа юм:

3. Дэлхийн шилдэг бүтээлүүдээс 6 ном унших
4. Бүжгийн дугуйланд явах

Номын хувьд Monbookclub-ынхантайгаа дараахь 6 номыг уншина:
  • "What I think about when I think about running" - Haruki Murakami 
  • "Unbearable lightness of being" - Milan Kundera
  • "Гурамсан цадиг" - Г.Аюурзана
  • "Хар судар" - О.Памук
  • "Хөгшин чоно ульсан нь" - Д. Намдаг + "Great Wall of China" - F.Kafka +Х.Л.Борхесын богино өгүүллэгүүд
  • "Pygmy" - Chuck Palahniuk 
Харин бүжгийн хувьд UB Dance school сонирхож байгаа.


Мэдээж ууландаа алхана, сагсаа тоглоно
Бүгдээрээ 2012 оноо цоглог, бүтээмжтэй, дурсамж дүүрэн сайхан өнгөрүүлцгээнэ ээ..